БНХАУ-ын Төрийн тэргүүн Ши Жинпин Европын орнуудад айлчлал хийж байгаа билээ. Тэрбээр өчигдөр Серб улсад газардахынхаа өмнөхөн “НАТО-гийн агаарын хүчнийхэн Белград дахь Хятадын элчин сайдын яамыг бөмбөгдөж, гурван хятад сэтгүүлч амиа алдсан явдалыг хэзээ ч мартахгүй. Тийм эмгэнэлт түүх дахин давтагдахгүй учиргүй” гэж мэдэгдсэнийг Сербийн Политика сонин өнөөдөр нийтэлжээ. Одоогоос 25 жилийн өмнө буюу Югославийн дайны үеэр НАТО-гийн агаарын хүчнийхэн Белград хотыг бөмбөгдөх үеэр Америкийн пуужин Хятадын элчин сайдын яамыг онож, гэм зэмгүй хүмүүс амиа алдсан харамсалтай хэрэг гарч байсан юм. Үүнээс үүдэн тухайн үеийн БНХАУ болон АНУ, НАТО-гийн хооронд үл ойлголцож үүсэж, гурван тал бие биедээ итгэх итгэлээ алдахад хүрч байсан юм. Ши Жинпиний Сербид хийсэн аялал нь Франц, Унгар багтсан гурван тулгуурт айлчлалын эхний зогсоол байв. Ши Жинпиний энэхүү айлчлалын зорилго нь эдийн засагтай холбоотой үүссэн хүндрэлтэй нөхцөлд тохиролцож, улс орныхоо эрх ашгийг хамгаалах алхам хийх гэж олон улсын хэвлэл мэдээлж байна.