Венесуэль улс нь орчин үеийн түүхэнд бүх мөсөн гол нь хайлж дууссан анхны улс болох эрсдэл өндөр байгааг цаг уур судлаачид анхаарууллаа. Одоогийн байдлаар тус улсын мөсөн гол хайлсаар багахан хэмжээний мөсөн талбай л үлджээ. Цаг уур судлаач Максимилиано Херрера энэ долоо хоногийн эхээр Х платформ дахь хувийн хуудастаа Венесуэлийн Хумболдт мөсөн гол хоёрхон гектар талбай үлдсэн, цаашид ч хайлсаар байна гэсэн байв. Хумбулдт буюу Ла Корона нь Венесуэль улсад байсан таван мөсөн голын сүүлчийнх бөгөөд дөрөв нь өнгөрсөн зуунд бүр мөсөн хайлж, дууссан юм. Эрдэмтдийн талбайрлаж буйгаар мөсөн гол ийнхүү олноороо үгүй болсон нь цаг уурын өөрчлөлтийн нөлөө аж. Харин зарим мөсөн гол судлаачид Хумболдтыг мөсөн голд тооцохгүй гэж мэдэгджээ. Хэдийгээр дэлхий дээр мөсөн голын жишиг гэж байдаггүй ч АНУ-ын геологичид 10 гектараас том талбай бүхий мөсөн давхаргыг мөсөн голд тооцно гэж тодорхойлдог юм байна.

Өнгөрсөн ХХ зууны эхээр Венесуэль улс зургаан мөсөн голтой байсан бөгөөд нийт 1,000 орчим км талбайг хамарч байжээ. Хамгийн сүүлд үлдсэн гэх Хумболдт мөсөн гол нь 450 гектар талбайг эзэлдэг байсан аж. Судалгаанаас харахад Венесуэлийн мөсөн гол 1952-2019 онд 98%-иар багасчээ.