Монголбанкны Мөнгөний бодлогын хорооны ээлжит бус хуралдаанаар бодлогын хүүг нэг нэгж хувиар буулгаж, 11% хүргэх шийдвэр гаргажээ. Жил гаруйн хугацаанд бодлогын хүүгээ 13%-д хадгалсны эцэст өнгөрсөн гуравдугаар сард нэг нэгж хувиар буулгаж байв. Ийнхүү тус банкны Мөнгөний бодлогын хороо зургаадугаар сард болох ээлжит хурлаасаа өмнө ээлжит бус хурал зарлаж улмаар дээрх шийдвэрийг гаргасан юм. Энэхүү шийдвэрийг гаргахад зах зээлийн өнөөгийн нөхцөл байдал, гадаад орчны төлөв байдал, эрсдлээ тооцжээ.

Монгол Улсын эдийн засгийн дунд хугацааны тогтвортой өсөлтийг дэмжих, инфляцыг тогтворжуулах, макро эдийн засгийн тогтвортой байдлыг хангахад чиглүүлсэн байна. Өнгөрсөн IV сарын статистик мэдээллийг харгалзан үзвэл инфляцын түвшин 6.4% хүрч, сүүлийн гурван жилийн хамгийн доод түвшинд хүрчээ. Цалин, тэтгэврийн өсөлт, төсөв санхүүжилт нь инфляцыг нэмэгдүүлэх эрсдэл бий.

Мөнгөний бодлогын шийдвэр гаргахаас өмнө Дэлхийн банк эдийн засгийн өсөлт харагдаж байгаа ч гадаад болон дотоод орчны эрсдэл бийг тайландаа дурдсан билээ.