Монголбанк эдийн засгийн өсөлтийн богино хугацааны төсөөллийг бууруулжээ. Өмнө нь 3.8% өснө гэж төсөөлж байсан бол одоо 3.6% болгон бууруулсан байна. Энэ нь хэд, хэдэн учир шалтгаантай. Нэн тэргүүнд өчигдөр Монголбанкны Мөнгөний бодлогын хороо бодлогын хүүг нэг нэгж хувиар бууруулж, 11%-д хүргэхээр шийдсэн. Нөгөөтээгүүр богино хугацаандаа инфляц тогтворжих хандлагатай байгаа ч уул уурхайн бус салбарын өсөлт саарч, бизнесийн салбарт зээл олгох нь тааруу байна.

Монгол Улсын төв банк ийм шийдвэр гаргасан дэлхийн санхүүгийн дөрвөн томоохон байгууллага болох Дэлхийн банк, ОУВС, Азийн хөгжлийн банк, ЕСБХБ Монголын эдийн засгийн өсөлтийн төлвийг бууруулаад байна. Цаашид БНХАУ-ын эдийн засаг саарснаас үүдэн Монголын экспортын эрэлт саарна гэж олон улсын байгууллагууд дүгнэж байгаа билээ. Түүнчлэн эдийн засгийн дотоод орчин эрсдэлтэй хөдөө аж ахуйн салбар зудын гамшгаас үүдэн саарахаар байна. Макро түвшинд төсвийн тэлэлт, цалин, тэтгэврийг нэмэгдүүлсэн нь инфляцын дарамтыг нэмэгдүүлэхийг мэргэжилтнүүд сануулжээ.