Хамтын нөхөрлөлийн орнуудын Хүрээлэн буй орчны аудитын хорооны өнгөрсөн долоо хоногт гаргаж тавьсан нотолгоогоор ОХУ Антарктидын ойролцоогоор Хойд тэнгисээс тавин жил олборлосон нефтээс арав дахин нөөц бүхий нефтийн талбай илрүүлсэн байна. Уг талбайн ихэнх хувь Антарктидын зүүн эргээс тун холгүй орших Ведделлийн тэнгисийг дамнасан нь Их Британийн эзэмшилд хамаарах бүс нутгийн тэг дунд гэсэн үг юм. Антаркидын бүс нутгийг эзэмших гэхээсээ илүүтэйгээр улс орнууд өөрсдийн гэж зарласан нутаг дэвсгэрүүд байдаг бөгөөд Их Британийн тал Чили, Аргентинийн нутгийг дамнасан хэсгийг өөрийн гэж зарлан мэдэгддэг. Тэгэхээр дээрх нефтийн талбай илэрсэн нь Владимир Путины хувьд хэрэг өдөөх хангалттай шалтаг болох ба газрын тосны манлайлагч орнууд тэр зүгт уралдаж, хүчтэй өрсөлдөөн үүссэнээр Фолкландын арлууд манай гараг дээрх хамгийн үнэтэй үл хөдлөх хөрөнгөөр нэрлэгдэх магадлал өндөр болж буйг олон улсын ажиглагчид цохон тэмдэглэв.