Тулгар төрийн 2235 жил, Их Монгол Улсын 820 жил, Үндэсний эрх чөлөө, тусгаар тогтнолоо сэргээн мандуулсны 115 жил, Ардын хувьсгалын 105 жилийн ой, Үндэсний их баяр наадмын хүрээнд “Үндэсний хувцасны өдөр”-ийг тохиолдуулан “Дээлтэй Монгол” наадмыг 2026 оны долоодугаар сарын 09-ний өдөр Д.Сүхбаатарын талбайд зохион байгууллаа.

Тус арга хэмжээнд дүүргийн 43 хорооны 600 гаруй иргэн, өвлөн уламжлагчид оролцож, монгол дээл хувцсаараа гоён үндэсний өв соёл, уламжлалт зан заншлаа сурталчлан түгээн дэлгэрүүллээ. Иргэдийн өргөн оролцоо, үндэсний хувцсаараа ижилссэн өнгө төрх нь баяр наадмын уур амьсгалыг бүрдүүлж, үндэсний бахархлыг бадраасан онцлох үйл явдал болов.

“Дээлтэй Монгол” наадмыг Дүүргийн Соёлын ордонтой хамтран 43 хорооны дунд уралдаан зарлаж, иргэдийн оролцоог идэвхжүүлэн өргөн хүрээнд зохион байгуулснаараа онцлог байлаа. Энэхүү арга хэмжээ нь үндэсний хувцас, өв соёл, уламжлалт үнэт зүйлсээ дээдлэн хадгалах, өвлүүлэн уламжлуулах, олон нийтийн оролцоог нэмэгдүүлэхэд чухал ач холбогдолтой боллоо.