Хиймэл оюун ухаан, ногоон эрчим хүч, цэргийн хэрэгцээт шаардлагын нөлөөгөөр зэсийн үнэ 50%-иар өсөж, удахгүй хар алт гэгддэг нефтиэс ч үнэтэй болж мэдэхээр байна гэж бараа бүтээгдэхүүний шилдэг шинжээчид дүгнэжээ. Зэс нь сүүлийн арван жилийн нефтийн үнэтэй харьцуулахад аж үйдвэрийн салбарын дараагийн зайлшгүй хэрэгцээт түүхий эд болох нь гарцаагүй юм гэж онцлон бичиж байгааг Фортюн сэтгүүл уламжиллаа. Гадаад хөрөнгө оруулалтын пүүсийн үйл ажиллагаа явуулдаг Карлайлын тэргүүлэгч шинжээчдийн нэг, ахлах стратегич Жефф Карригийн тайлбарлаж буйгаар хиймэл оюун ухааны хөгжлийн хурдац, дата төвүүдийн тэсрэлт, ногоон эрчим хүчний хувьсал, шинэ төрлийн зэвсэг техникийн хөгжил, үйлдвэрлэлийн нөлөөгөөр зэсийн хэрэгцээ, шаардлага огцом өсөж байгаа нь тус түүхий эдийн үнийн өсөлт дэлхийн зах зээлд 50%-д хүрнэ. Тиймээс, зэс бол шинэ хар алт юм гэж Блүүмберг телевизэд өгсөн ярилцлагаа онцолсон байна. Жефф Карри нь 2021 онд Голдман Саксад ажиллаж байхдаа хиймэл оюун ухаан, сэргээгдэх эрчим хүчний технологийн нөлөөгөөр зэс нь харьцангуй эрэлттэй бүтээгдэхүүн болж, олон тэрбумын ашиг даллана гэж таамагласан нь 2022 оны эцсээр биелэлээ олж байсан аж. Бүр тодруулбал, Ж.Карригийн тооцооллоор зэс тонн тутамдаа 15,000 ам.долларын үнэд хүрэх бололтой. Түүхэнд зэс хамгийн өндөр үнэд хүрсэн нь 2020 онд Лондоны бирж дээр тонн тутамдаа 10,000 ам.доллар болж байв. Мөн тэрбээр 2000-аад оны эхээр газрын тосны үнэ нэг баррель нь 20 ам.доллараас 140 болж өснө гэж таамагласан ч тухайн үед дэлхийн даяар үл итгэн шоолж байсан гэдэг.