Чингис хаан Үндэсний музей байнгын үзүүллэгийн танхимуудаа өнөөдөр 09:00-16:00 цагийн хооронд олон нийтэд үнэ төлбөргүй (2026.10.29) үзүүллээ. 
Орчин үеийн дэлхийн музейн стандарт шаардлага, аюулгүй байдлыг бүрэн хангасан  тус музей нь нэг удаа 450-500 үзэгчийг хүлээн авах хүчин чадалтай бөгөөд, музейг зорин ирсэн үзэгчдээ 20 минутын зайтай 30-50 хүнийг нэг дор оруулж түргэн шуурхай  үйлчилж ажиллалаа. 
Улаанбаатар хот үүсэн байгуулагдсаны 387 жилийн ойг тохиолдуулан олон нийтэд үнэ төлбөргүй үйлчилсэн нэг өдөрт  Чингис хаан Үндэсний музейгээр 1042 үзэгч үйлчлүүлсэн байна. 
Жич: Музейн тухай хуулийн 9 дүгээр зүлйийн 9.1-т заасны дагуу Монгол Улсын харьяат 16 хүртэлх насны хүүхэд музейн үзүүллэгийн танхимаар үнэ төлбөргүй үйлчлүүлдэг тул анги хамт олноороо, найз нөхдөөрөө хүрэлцэн ирж, музей үзэж, музейн боловсролын хөтөлбөрт хамрагдахыг урьж байна.