Буркино Фасогийн цэргийн эрхт Засгийн газар хунтын засаглалаа дахин таван жилээр сунгаж буйгаа зарлалаа. Тус улсын захирагч ахмад Ибрахим Траоре дараагийн Ерөнхийлөгчийн сонгуульд нэр дэвшинэ гэж тус улсын төрийн мэдлийн телевизийн төв суваг мэдээлжээ. Ахмад Траоре хоёр жил орчмын өмнө төрийн эргэлт хийснийхээ дараа энэ оны долоодугаар сарын 01-нээс иргэний засаглалыг сэргээнэ гэж мэдэгдэж байсан билээ. Гэвч Буркино Фасо улс хөрш зэргэлдээ Мали улсын адилаар цэргийн засаглалын бүрэн эрхийн хугацааг сунгачихлаа. Баруун Африкт байрлах тус улс өнгөрсөн бямба гарагт үндэсний зөвлөх уулзалтыг нийслэл Оуагадоугоу хотод зохион байгуулж, төгсгөлд нь дээрх шийдвэрт хүрснээ мэдэгдсэн нь энэ юм. Ингэснээр ахмад Траорегийн гарын үсэг зурсан нэмэлт өөрчлөлтөд тусгаснаар тус улсын цэргийн засаглал долоодугаар сарын 02-ноос эхлэн жаран сарын хугацаатай үргэлжилнэ.