Самсунг корпорацийн охин компани Самсунг Электрониксийн БНСУ дахь үйлдвэрчний эвлэлээс цалин хөлс нэмэх шаардлагыг биелүүлэхгүй бол ирэх долоо хоногт ажил хаяна гэж өнөөдөр/2024-05-29/ анхаарууллаа. Самсунг Электрониксийн үндэсний үйлдвэрчний эвлэлийн байгууллага нь 28,000 гишүүнтэй, компанийн ажиллах хүчний тавны нэгтэй тэнцдэг бөгөөд удирдлагуудадаа цалин нэмэх шаардлага тавьсан бөгөөд зургаадугаар сарын 07-ны дотор үл биелүүлбээс өргөн хүрээний ажил хаялт зарлана гэж сүрдүүлээд байгаа юм. Үйлдвэрчний эвлэлийнхэн дээрх шаардлагыг сошиалын лайваар хүргүүлсэн бөгөөд “Бид дахин хөдөлмөрийн мөлжлөгө, эвлэлийн дарамтыг тэвчихгүй” гэсэн уриа лоозунг барьсан байлаа. Чид үйлдвэрлэлээрээ дэлхийд тэргүүлдэг Өмнөд Солонгост байдаг үйлдвэрийн ажилчид ажил хаявал тус компанийн түүхэнд анхны тохиолдол болох юм. Компанийн удирдлагууд энэ оны эхээр цалин хөлсийг 5.1%-иар нэмнэ гэж мэдэгдсэн бол үйлдвэрчний эвлэлийнхний хувьд чамлалттай санагдаж, ээжлийн амралт авахад тухайн ажилчны гүйцэтгэлийг харгалзан үзэж, хувь хэмжээ тохируулан урамшуулал олгодог системийг нэвтрүүлэхийг шаардсан юм. Энэ мэдэгдлийн улмаас Самсунг Электрониксийн хувьцааны үнэ 3.1%-иар унасан байна.