Энэ жил дэлхийн ажилгүйдлийн түвшин бага зэрэг буурч 4.9-д хүрчээ. Өнгөрсөн жилийн мөн үед 5.0 хувьтай байсан байна. Ингэснээр хөдөлмөрийн зах зээл дээрх тэгш бус байдал ч буурсан гэж Олон улсын хөдөлмөрийн байгууллага мэдээлэв. НҮБ-ын бүрэлдэхүүнд багтах дээрх Олон улсын хөдөлмөрийн байгууллага нь өнгөрсөн нэгдүгээр сард дэвшилтэт эдийн засагтай орнуудад ажилгүйдлийн түвшин 5.2 хувьд хүрнэ гэж таамаглаж байсан юм. Өндөр орлоготой Хятад, Энэтхэг зэрэг улсад өнөөдрийн байдлаар ажилгүйдлийн түвшин таамагласнаас арай бага хэмжээнд байна. Угтаа бол тус байгууллагаас дэлхийн ажилгүйдлийн түвшин 2025 онд буурч 4.9 хувьд хүрнэ гэж таамаглаж байсан ч бүтэн жилийн өмнө таамагласнаас 0.3 хувиар буурсан байна. Дэлхийн эдийн засгийн өсөлт 2024 оны эхний саруудад таамагласнаас бага зэрэг өндөр гарсан бол ялангуяа АНУ-д инфляци буурч айл өрхийн орлого нэмэгдсэн дүн гарчээ. Олон улсын валютын сан өнгөрсөн дөрөвдүгээр сард дэлхийн эдийн засгийн өсөлтийг нэгдүгээр сард 3.1 хувь гэж таамаглаж байсан хувь хэмжээг өсгөж, 3.2 хувь гэж өсгөжээ. Ийнхүү макро эдийн засгийн орчин тогтворжиж эхэлснээр хөдөлмөрийн зах зээлийн хэтийн төлөв харьцангуй өсөлттэй гэх урьдчилсан дүн шинжилгээг гаргаснаа Олон улсын хөдөлмөрийн байгууллага ийнхүү тайлагнаж байна.