Австрали улс даяар цэргийн алба сайн дураар хаах хүсэлтэй залуус хэт хомсдсоны улмаас Зэвсэгт хүчний ерөнхий коммандлалаас гадаадын иргэдээр бие бүрэлдэхүүнээ зузаатгах шийдвэр гаргажээ. Ингэснээр долоодугаар сарын 01-нээс эхлэн тус улсад байнга оршин суух эрхтэй Шинэ Зеландын иргэд хугацаат цэргийн алба хаах эрхтэй болсон байна. Мөн Их Британи, АНУ, Канад болон бусад улсын иргэдэд дээрх шийдвэр нь үйлчилж эхлэх юм. Зэвсэгт хүчний хомсдолд орсон Австралийн өмнөх Засгийн газар цэргийн тоог хорин жилийн хугацаанд гучин хувиар нэмэгдүүлэх 25.4 тэрбум долларын төлөвлөгөөг 2020 онд танилцуулж байлаа. Харамсалтай нь, цэргийн алба сайн дураар хаах хүсэлтэй иргэдийн тоо жилээс жилд буурсаар уг төлөвлөгөө бүтэлгүйтэхэд хүргэжээ. Одоогийн байдлаар тус улсын зэвсэгт хүчинд 4,400 гаруй цэргийн алба хаагч шаардлагатай байгаа юм байна.