“Baby boomers” буюу 1941-1964 онд төрж, ХХ зууны дундуур ид залуу насаа өнгөрөөсөн үеийнхнийг нэрлэдэг. Тэдний үед автомашины хөгжил дээд түвшинд гарч өнөөгийн чамин тансаг загварын машинуудын эхлэлийг тавьж байсан оргил үе гэж болно. Тийм ч учраас бүүмерүүд чанар сайтай машинд мөнгө гар татдаггүй хандлагатай бөгөөд орчин цагт хэт хуучны ховор машин худалдаж авах сонирхол өндөр байдаг аж. Гэвч машин худалдаж авах явц олон жилийн явцад өөрчлөгдсөөр иржээ. Гэхдээ тухайн машины сэлбэгийн олдоц, эдэлгээ даах чадвар, шатахууны зарцуулалт, тохь тух зэрэг олон үзүүлэлтээр бүүмерүүд худалдаж авахаас зайлсхийвэл зохих машинууд гэж бас байна. Техник технологи хөгжсөн одоо цагт хөгжим сонсох, гар утсаа машиныхаа хөгжимтэй холбохоос авахуулаад маш олон сул тал хэт хуучин машинд бий болсон. Үүнээс гадна эргономик, хялбар хэрэглээ, эзэмшигчийн зардал, тээврийн хэрэгслийн овор хэмжээ ч орчин цагийн илүү өндөр технологитой машинуудтай харьцуулшгүй учраас бүүмерүүдийг энэ тал дээр дахин нэг бодож үзэхийг автомашины мэргэжилтнүүд зөвлөж байна. Жишээ нь, Шевролетийн Корветт, Фордын Мустанг зэрэг өндөр гүйцэтгэлтэй спорт машинууд бүүмерүүдэд хуучныг санагдуулам ч гэлээ насны бүлгийн хэрэглээ, зогсоол руу орж, гарах, тав тухтай жолоодлого зэрэг нь өнөө цагийн хэрэгцээнд нийцэхээсээ нэгэнт өнгөрсөн учир мөнгөө дэмий үрэх эрсдэлтэйг анхааруулав. Бас дээр нь хуучин машинуудын даатгал маш өндөр байдаг учир үргүй зардал нэмэгдэх нь ойлгомжтой. Доорх жагсаалтад багтсан арван машин нь дизайны хувьд дөрвөлжин буюу өнөө цагийн бөмбөгөр дизайнтай дотроо зай ихтэй машинуудын хажууд умгар өрөө шиг давчуу бүхээг нь хамгийн том сул тал гэдгийг автомашины мэргэжилтнүүд санууллаа.

Ингээд дээрх шалтгаануудын улмаас бүүмерүүд худалдаж авахаас зайлсхийгүүштэй 10 машиныг жагсаалтыг танилцуулъя: