БНХАУ-ын Төвөдийн талаар байр суурийг ганхуулж, тус улсын Засгийн газар болон Далай Ламын хооронд яриа, хэлэлцээр зохион байгуулах хуулийн төслийг АНУ-ын Ерөнхийлөгч Жо Байденд өргөн барихад бэлэн болжээ. АНУ-ын Төлөөлөгчдийн ордон Төвөд-Хятадын маргааныг шийдвэрэлэх акц дээр санал хурааж, 391-26 харьцаатайгаар дэмжсэн байна. Уг хуулийн төслийг дэмжих шийдвэрийг АНУ-ын Сенат өнгөрсөн сард гаргаад байсан юм. Хуулийн төслийг Орегон мужийн Ардчилсан сенатч Жефф Меркли анх танилцуулсан бөгөөд агуулга нь Төвөдийн түүх, ард түмэн, байгууллын талаар тараадаг Бээжингийн “ташаа мэдээлэл”-ийн эсрэг арга хэмжээ авах зорилготой аж. Вашингтон Төвөд-Хятадын маргааныг шийдвэрэлэх акцаараа олон жилийн турш дэлхий даяар явуулж ирсэн “Төвөд бол эрт цагаас нааш Хятадын нэг хэсэг байсаар ирсэн” гэх суртал ухуулгыг үгүйсгэсэн боловч Төвөдийн тусгаар тогтнолын маргааныг шийдэхгүй гэж CNN агентлаг уламжлав. Мөн хуульд тусгаснаар АНУ-ын тал Төвөдөөс гадна Гансу, Чинхай, Сычуань, Юннань мужийг өөртөө засах эрхтэй бүс гэж үзэх юм байна.