Симпсоныхон цуврал 1980-аад оны сүүл үеэс эхэлж, өнөөг хүртэл үргэлжилж буй дэлхийн хамгийн урт зурагтын цуврал бүтээл билээ. Үүнээс гадна Симпсоныхон дэлхий дээр өрнөсөн олон чухал үйл явдлыг зөгнөсөн гэдгээрээ ч цуутай. Жишээ нь, АНУ-ын Ерөнхийлөгч асан Д.Трампын тухай басхүү сүүлийн үед ухаалаг төхөөрөмжийн зах зээлд тэргүүлж буй Эпплийн ухаалаг нүдний шилний тухай ч урьдчилан зөгнөсөн. Энэ мэтээр дурдвал домогт Вангагаас ч олон зүйлийг зөгнөсөн нэлээд урт жагсаалт гарна. Гэхдээ тус цувралын гол дүрийн нэг Симпсоны гэр бүлийн эзэгтэй Маржийг хэдэн мянган жилийн өмнө зөгнөсөн гэвэл хэр баргийн хүн итгэхгүй биз ээ!

Египетийн Минья хотод нэгэн муммийг шинээр олж нээсэн бөгөөд археологичид чулуун авсыг нээж үзэхэд доторх дүрслэл нь Марж Симпсонтой маш адилхан байж гэнэ. Мумми одоогоос 3,500 жилийн өмнө буюу МЭӨ1550-1069 оны хооронд Шинэ эзэнт улсын үед хамаарах аж. Thearcheologist.org цахим хуудасны мэдээлснээр уг муммины чулуун авсны дотор талд Үхэгсдийн номонд дүрсэлсэнтэй ижил бурхад болон үйл явдалыг харуулсан зураг, сийлбэрүүд байв. Тэдний үзэж буйгаар тэдгээр дүрслэлүүдийг талийгаачийг хойд насанд нь хүргэх туслахад зорилгоор үйлдсэн шившлэг бололтой. Хамгийн сонирхолтой нь авсны тагны дотор талд дүрсэлсэн булшны эзний хөрөг Марж Симпсонтой усны дусал мэт адил байсанд мэргэжлийн археологичид хүртэл гайхаж, алдарт цувралыг хэдэн мянган жилийн тэртээгээс зөгнөсөн мэт сэтгэгдэл төрсөн гэж бичжээ.