Алдарт дуучин Кейти Перри сонголонтой дуунуудаараа сонсогчдынхоо сонорын мялаахаас гадна хэний ч санаанд оромгүй өвөрмөц загварлаг хувцаслалтаараа алдартай нэгэн. Шинэ загвар тодорхойлогч, ганган хээнцрээрээ дэлхийн хамгийн загварлаг оддоос ч илүү гардаг дуучин. Тэрбээр өчигдөр Францын Парис хотноо болсон Vogue World: Paris загварын арга хэмжээний үеэр загварын өндөр мэдрэмжээ гайхуулан гэнэтийн бэлэг барьжээ. Плейс Вендомд болсон загварын шоуны үеэр Кейти Перри гэнэт олны өмнө гарч ирэн геаометрийн дүрс хэлбэртэй эсгүүр бүхий, тоорын өнгөт цэцгийн дэлбээгээр чимэглэсэн хагас нүцгэн гэмээр өвөрмөц даашинзаар үзэгчдийн нүдийг хужирлаад авчээ. Энэ нь Vogue World: Paris арга хэмжээний нэг хэсэг бөгөөд түүний өмссөн даашинз нь 1980-аад оны загварыг санагдуулам Нойр Кей Ниномияагийн гайхамшигт бүтээл гэнэ. Өдгөө 39 настай тэр итгэл төгс загварын тайзнаа алхах үест Ника Тайко хэмээх Парисаас гаралтай япон бөмбөрийн хамтлагийнхан дагалдсан байна.

Мөн тэрбээр алдарт Америкийн шүтээн шоу тэмцээний шүүгч байсан гэдгийг бүгд мэднэ. Энэ оны тавдугаар сарын 19-нд Америкийн шүтээний 22-р улирлын ялагч Аби Картерийг зарлах улаан хивсний ёслол дээр олон жил ажиллаад ядарч байгаа тул шүүгчийн ажлаа өгөхөөр болсон гэж мэдэгдэж байсан билээ.