ОХУ 2022 оны хоёрдугаар сард Украинд халдан довтолсноос хойш дэлхийн зах зээлд орох гарцуудаа хумиулсны олонх нь Европ. Жишээ нь, олон жилийн турш Оросын байгалийн хий, нефтиэс хамааралтай байж ирсэн Герман улс хараат байдлаас гарахын тулд олон арван хурц шийдлийг эрэлхийлж, хэрэгжүүлдэг болсон. Харин ямагт байгалийн хий, нефтийн шинэ хангамж хайдаг БНХАУ оросын байгалийн хийг шинэ шугам байгуулан Сибириэр дамжуулан импортлох сонирхолтой гэдгээ илэрхийлснээр Москвад амь аргацаах алтан боломж мэт гялалзаж байв. Бээжингийн талаас ч “Сибирийн хүч-2” байгалийн хийн хоолойг байгуулахад маш түрэмгий байр суурь хадгалж ирсэн. Уг хоолойг байгуулсан тохиолдолд жилд дээд тал нь 50 сая куб метр байгалийн хий хоёр орны хооронд дамжуулах хүчин чадалтай юм.

Гэтэл одоо БНХАУ-ын талаас Оросын Газпромд хүчтэй цохилт өгч байгалийн хийг тус улсын дотоодын тарифаар үнээр өгөхгүй бол одоо идэвхтэй хэлэлцэж байгаа “Сибирийн хүч-2” байгалийн хий дамжуулах хоолойн төслөөс гарна хэмээн тулгажээ. Өнгөрсөн жил 6.9 тэрбум долларын алдагдал хүлээсэн Газпромд дээрх шаардлага хоолойг нь боомилсноос өөрцгүй байдал үүсгэлээ хэмээн олон улсын ажиглагчид дүгнэжээ. Гэсэн ч мана йталаас өмнө нь байгуулсан Орос-Хятадын гэрээ хэлэлцээрт түшиглэн асуудалд хандана гэж Газпромын захирал Алексей Миллер мэдээлсэн байна.