Цаг уурын өөрчлөлтийн эсрэг идэвхтэй тэмцэгч, байгаль дэлхийг хамгаалахыг олон улсын удирдагчдад уриалж, манай гарагийн томчуудыг зад загнаж алдаршсан Грета Тунбергийг Данийн цагдаагийн газар баривчилжээ. Газын зурваст болж буй дайн болон Израиль Палестинийн газар нутгийг эзлэн түрэмгийлэхийг эсэргүүцсэн олон нийтийн жагсаалын үеэр түүнийг баривчилсан гэж жагсаалыг зохион байгуулагчдын төлөөлөгч мэдээлсэн байна. Данийн хэвлэл мэдээллийн байгууллага Экстра Бладет Г.Тунбергийг Палестинийг дэмжих жагсаал дээрээс баривчилсан ч тухайн өдөртөө суллаж гэж мэдээлээд түүний цагдаагийн газраас гарч явж байгаа бичлэгийг цацав. Копенгагнийн их сургуулийн орцыг хориод хүн хааж, гурав нь дотогш нэвтэрсэн бөгөөд тэднээс зургааг нь барьж, түр саатуулсан гэж цагдаагийн газрын төлөөлөгч мэдээлсэн байна. Жагсаалын үеэр сургуулийн үйл ажиллагаанд саад болж, жагсаал цуглааны зарим нэг журмыг зөрчсөн тул Грета Тунберг тэргүүтэй хүмүүсийг баривчилж, анхааруулга өгөөд сулласан аж.