Африкт улсад сүүлийн арав гаруй жилийн хугацаанд тохиогоогүй ган тохиож, олон мянган иргэн өлсгөлөнд нэрвэгдээд байна. Зимбаб улсын эрх баригчид өлсгөлөнд нэрвэгдсэн иргэдэдээ тусламж үзүүлэхийн тулд тарга тэвээрэг сайтай 200 зааныг шилж сонгон заазлахаар шийдвэрлэжээ. Зимбабын Цэцэрлэгт хүрээлэн, Байгаль хамгаалах газрын хэвлэлийн төлөөлөгч Тинаше Фаравогийн мэдээлснээр тус улсын хүн амын тэн хагасаас дээш хувь нь өлсгөлөнгийн хүнд нөхцөлд орох эрсдэлтэй байгаа тул дээрх арга хэмжээг авахаар болсон гэж тайлбарлалаа. Үүнээс жишээ авсан Намиб улс мөн адил олон тооны заан, зэрлэн ан амьтны махаар удаан үргэлжилсэн гангийн улмаас өлсгөлөнд нэрвэгдсэн иргэдэдээ тэжээхээр шийдсэн байна.

Албан ёсны статистикаар Зимбаб улс 84,000 толгой заантай бөгөөд хамгийн олон заантайгаараа Ботсванын дараа, дэлхийд хоёрдугаарт бичигддэг юм.