Ойрын эд зүйлсийг тод, сайн харж чаддаг ч алсын зай дахь биетийг бүүр түүрхэн ялгадаг хараа муутай хүүхдийн тоо дэлхий даяар огцом өсөж байгаа талаар сүүлийн үеийн судалгаа харуулжээ. Тоон хэлээр энэ нь гурван хүүхэд тутмын нэг нь хараа муутай гэсэн үг юм байна. Их Британийн хараа зүйн судлалын сэтгүүлд гарсан судалгааны тайлангаас харахад корона вирусийн халдвар тархсан үед олон улсад хөл хорио тогтоосноор хүүхдүүд гадаа гарч тоглох нь багасаж, дэлгэцний өмнө уягдах нь нэмэгдсэн учраас ийм сөрөг үр дагаварт хүргэжээ. Энэ янзаараа 2050 он гэхэд олон сая хүүхдийн холын хараа муудахыг судалгаа анхааруулж байна. Азид хараа муутай хүүхдийн тоо хамгийн өндөр улс нь Япон. Тус улсын нийт хүүхдийн 85% нь хараа муутай бол БНСУ-д 73% бол БНХАУ, ОХУ-д 40%-д хүрчээ. Парагвай, Уганда улсад энэ үзүүлэлт хамгийн бага буюу 1% хувь бол Их Британи, АНУ, Ирландад 15 орчим хувьтай байна. Судалгааг зургаан тивийн 50 улсад явуулахад 1990 оноос 2023 онд холын хараа муутай бага болон өсвөр насны хүүхдийн тоо 36%-иар өссөн гэх дүн гараад байна.