Дэлхийн хамгийн сайхан бүсгүйг шалгаруулдаг Мисс Универс тэмцээний энэ жилийн өрсөлдөөн тун сонирхолтой болох нь. Учир нь, уг тэмцээнээс арван насаар ахмад буюу 1942 онд төрсөн, өдгөө 80 настай эмгэн өрсөлдөхөөр Өмнөд Солонгосоос Мексикийг зорих гэж байна. Чүэ Сүнхуа гэх оролцогч Мексикийн шалгаруулалтанд орж, залуу бүсгүйчүүдтэй өрсөлдөөд тэнцсэн гэх хариу авбал Мисс Универс тэмцээний түүхэн дэх хамгийн ахмад настай оролцогч болох юм. Чүэ Сунхуа СNN агентлагт өгсөн мэдээлэлдээ гоо бүсгүйн тэмцээнд оролцох болсон шалтгаанаа “80 настай хүн хэчнээн эрүүл саруул, гоо сайхан байж болохыг харуулах гэсэн юм. Хүн нас ахихаараа жин нэмдэг. Харин би эрүүл амьдралын дэглэм барьж амьдарсаар өнөөдрийн гоо сайхан бие галбиртай болж чадсан.” хэмээн ярьжээ. Угтаа бол Мисс Универс тэмцээн оролцогчдодоо 18-28 насны хязгаар тогтоодог. Гэвч орчин үеийн шаардлагаар насны хязгаарыг нэмэх хүсэлт олон орноос ирсэн учир энэ оноос эхлэн дээрх бодлогод өөрчлөлт оруулж, бүх насныхан өрсөлдөх эрхтэй болсон бол өнгөрсөн жилээс жирмэсэн болон гэр бүлтэй эмэгтэйчүүд орохыг зөвшөөрсөн юм байна.