БНАСАУ-ын удирдагч Ким Чен Ун Өмнөд Солонгос халдсан тохиолдолд цөмийн зэвсгийн хүчээр газрын хөрснөөс арчина гэж заналхийлсэн талаар CNN агентлаг дамжууллаа. Харин үүний хариуд Өмнөд Солонгосын Ерөнхийлөгч Юн Сүк Ёл Умардын талаас цөмийн зэвсгээр довтолбол Ким Чен Уны дэглэмийг түлхэн унагана гэж мэдэгдэв. Тус хоёр орны хувьд ийнхүү бие биенээ заналхийлэх нь шинэ үзэгдэл биш боловч хэдхэн долоо хоногийн өмнө Умард Солонгосын төв телевизээр Ким Чен Уны уран баяжуулах үйлдвэрт зочилж буй үйл явдалыг харуулсан нь Солонгосын хойг дахь нөхцөл байдал хурцадахад хүргэсэн юм. Ким Чен Ун цөмийн зэвсгийн материалын үйлдвэрээр зочлох үеэрээ Өмнөдийн талаас манай тусгаар тогтнолд халдах юм бол байгаа бүхий л цөмийн хүчээрээ цохилт өгнө гэж ярьсан аж.