Үргэлж дуулиан шуугианы эзэн болж явдаг АНУ-ын Ерөнхийлөгч асан Д.Трамп дахин Ерөнхийлөгчийн сонгуульд нэр дэвшиж, иргэд, сонгогчидтой уулзах сурталчилгааны ажлаа ид өрнүүлж буй. Амь насанд нь халдах оролдлого удаа гарч байсан түүний хувьд сүүлийн нэлээд хашир болсон ч өнгөрсөн бямба гарагт Калифорни мужийн Коачеллад зохион байгуулсан цуглааны үеэр бас нэгэн дуулиант хэрэг болжээ. Орон нутгийн цагдаагийн газрын мэдээлснээр Дональд Трампын цуглаан болж байсан газрын ойролцоох уулзвараас дайз дүүрэн сумтай шааз буу болон гар буугаар зэвсэглэсэн этгээдийг баривчилсан байна. Сэжигтэн 49 настай Вем Миллерийг эргүүлийн цагдаа нар шалгахад хар өнгийн автомашинаас нь дээрх хоёр галт зэвсэг олдсоноос гадна хуурамч бичиг баримт илрүүлж, нэн даруй саатуулжээ. АНУ-ын Нууц албаны мэдээлэлд дурдсанаар Ерөнхийлөгчид нэр дэвшигч Д.Трамп ямар нэгэн аюулд ороогүй бөгөөд сэжигтэнг баричвлах ажиллагааны үеэр ноцтой нөхцөл байдал үүсээгүй гэв. Риверсайд каунтигийн шерифф Чад Бианко хэвлэлд өгсөн мэдээлэлдээ “Сэжигтэнгийн жинхэнэ санаа зорилго тодорхойгүй ч гэлээ нэр дэвшигчийн амь насанд халдах гэсэн гурав дахь оролдлогыг таслан зогсоосондоо итгэлтэй байна” гэснийг ВВС агентлаг дамжуулав.