ОХУ-ын түрэмгийлэл эхэлсэн 2022 оноос хойш Украинийн хүн ам ойролцоогоор найман саяар Буурсан талаар НҮБ өнгөрсөн мягмар гарагт мэдээлжээ. Тус байгууллагын Хүн амын сангийн дэд захирал Наталиа Канемийн өгсөн мэдээгээр Украйнд төрөлт огцом буурч, нас барагсдын тоог нөхөх чадамж алдагдаж, дэлхийн хэмжээнд хамгийн доогуурт бичигдэж эхэлсэн байна. Хүн амын тоо буурахад нөлөөлсөн бас нэгэн хүчин зүйлээр сүүлийн арав гаруй жилд хөдөлмөр эрхлэхээр гадаадыг зоригчдын тоо огцом нэмэгдсэнийг судлаачид нэрлэж байгаа юм. Үүн дээр, Оростой хийж буй дайны нөлөө ч бас бий. Хэдийгээр Украинийн Засгийн газар амь үрэгдсэн цэргийн тоог нуун дарж, цөөрүүлж мэдээлдэг ч бодит байдал дээр хол зөрүүтэй. Мөн энгийн иргэдийн үхэл болон дайнаас дүрвэгчдийн тоог нэмбэл хэвлэлээр цацаж буйгаас харьцангуй өндөр дүн гарна гэж Европын судалгааны төвөөс мэдэгджээ. Өнөөгийн мэдээллээр Украинийн хүн ам 38 сая гэх болов ч НҮБ-ын албан ёсны мэдээнд 2014 оноос хойш Украинийн хүн ам 10 саяар буурсан гэжээ.