Бүгд найрамдах намынхан АНУ-ын бүх шатны боловсролын системийн шинэчлэлийн талаар хэлэлцэж буй бичлэг онлайнд тавигдаж, түүн дотроос нэгэн сэдэв олны анхаарлыг татаад байна. Юу гэвэл, Ерөнхийлөгчөөр сонгогдсон Дональд Трамп дээд боловсролын салбарт арьс өнгөөр ялгаварлах үзлийн хохирогч болсон “цагаан” америкчуудад нөхөн олговор өгөх санал гаргажээ.

“Коллеж, их сургуулийн төлбөр огцом нэмэгдэж байна. Үүнд би ч тэсэхгүй дэлбэрэх нь. Азадемикчид Америкийн залуу үеийг онолдож буй энэ цагт нэгэн цагт аугаа их байсан боловсролын институцийг дахин сэргээж, зүүний радикалуудаас чөлөөлөх цаг иржээ. Заавал чөлөөлөх ёстой. Коллежийн магадлан итгэмжлэх систем бидний нууц зэвсэг болно” гэж Д.Трамп ярьжээ.

Өдгөө 78 настай тэрбээр магадлан итгэмжлэгдсэн сургуулиуд оюутнууд, татвар төлөгчдийн мөнгийг шулахгүй байхад анхаарах ёстой ч өнөөдөр эсрэгээрээ эргэсэн гэж шүүмжлээд зүүний радикал магадлан итгэмжлэгдэгчид Марксист, Америкийн эсрэг үзэл санааг дээд боловсролын шатанд нэвчиртэл зааж байгааг буруушаажээ. Ийм учраас коллежиудад шинэ жишиг тогтоож, үг хэлэх эрх чөлөөг хамгаалж, төрөл бүрийн захиргааны зардал буруулах ёстой гэв. Мөн тэгш эрх нэрийн дор арьс өнгөөр ялгаварлах явдалыг таслан зогсоох ёстой. Хууль зүйн яамнаас үүн дээр иргэний эрхийн акц явуулж, ялгаварлагч сургуулиудыг торгох, санхүүгийн татаасыг нь хасах зэрэг арга хэмжээ авах нь зөв гэж ярьжээ. Мөн тэрбээр дээр дурдсанчлан дэд боловсролын шатанд ялгаварлан гадуурхагдаж, хохирсон цагаан арьстнуудад нөхөн олговор өгдөг болох нь тэгш эрх хангахад чухал нөлөөтэйг онцолсон байна. Ингэснээр “хар хүмүүс цагаан хүмүүсийг ялгаварлан гадуурхаж, хяхан хавчдаг” үзэгдлийг үндсээр нь устгана гэж учир мэдэх хүмүүс тайлбарлаж байна.