Нийт 230 сая тоннын газрын ховор болон шилжилтийн металлын орд газар илрүүлсэн нь тус улсын эдийн засгийн гол хөдөлгөгч хүч болох гэнэ. Японы эрдэмтдийн хийсэн энэ нээлт ирэх арван жилийн турш эдийн засгийн хөгжлөөрөө дэлхийд тэргүүлэх гол хүчин зүйл болж, улам баян болох үүд хаалга нь нээгдлээ гэж эдийн засаг, ашигт малтмал судлаачид дүгнэж байна.

Ниппон сан болон Токиогийн их сурргуулийн сангийн хамтран явуулсан судалгаагаараа Минами-тори-шима арлын ойролцоо, далайн ёроолд их хэмжээний марганецийн бөөгнөрөл байгааг олж илрүүлсэн нь томоохон нээлтэд тооцдогож буй юм. Кобальт, никелийн олон арван сая тоннын бөөгнөрөл нь далайн түвшнээс 5,700 метрийн гүнд байрласнаас үзэхэд олон сая жилийн тэртээгээс далайн усны урсгалд зөөгдөн ирсэн ховор бөгөөд үнэт металууд загасны яс, сэг зэм зэрэгт наалдан хуралдсаар үүссэн гэж эрдэмтэд тайлбарлав.

Кобальт, никель нь шилжилтийн металлын төрөлд багтах бөгөөд цахилгаан машины зай хураагуураар зогсохгүй тийрэлтэт онгоцны хөдөлгүүр, хийн турбин, химийн боловсруулах үйлдвэрт ашигладаг амин чухал бүрэлдэхүүн нь юм. Өөрөөр хэлбэл Япон улс цахилгааны машин үйлдвэрлэлээрээ улам хөгжүүлэх боломжтой боллоо гэсэн үг.

Дээрх сангуудын судалгааны дүнгээс харахад шинэ ордын нөөцийн 610,000 метр тонныг кобальт, 740,000 метр тонныг никель эзэлж байна. Токиогийн их сургуулийн геологийн нөөцөөр мэргэшсэн профессор Ясухиро Катогийн мэдээлснээр уг ордоос жилд гурван сая тонн ашигт малтмал олборлох боломжтой ба шинэ он гарсны дараагаас үйл ажиллагаа нь эхлэхээр төлөвлөсөн гэнэ.

Мөн түүний хийсэн тооцоогоор нэг метр куб кобальтын үнэ 24,300 доллар, ижил хэмжээтэй никелийн үнэ 15,497 доллар. Тэгэхээр ордыг ашигласнаар 610,000 метр тонн кобальт нь 14,823,000,000 доллар, 740,000 метр тонн никель 11,467,780,000 доллар болно. Нийлбэр нь 26,290,780,000 доллар буюу 100 гаруй их наяд төгрөгийн орлого олох боломжтой.

Уг орд нь дээр хоёр шилжилтийн металлаас гадна зэс тэргүүтэй олон төрлийн үнэт элементийн агуулгатай учир дээрх тооцооноос хэдэн арав дахин нугарсан ашиг олох ирээдүйтэй.