Олон улсын санхүүгийн корпорац анх удаагаа төгрөгийн бонд гаргаж байгаагаа зарлалаа. Гурван жилийн хугацаатай тус бонд 102.5 тэрбум төгрөг буюу ойролцоогоор 30 орчим сая ам.долларыг бүрдүүлжээ. Энэхүү хөрөнгийг Монгол Улсын эдийн засгийн өсөлтөд чиглэсэн, чухал ач холбогдол бүхий төсөл хөтөлбөрийг санхүүжүүлэх зорилготой юм.

ОУСК-ийн мэдээлэлд дурдсанаар голлох хөрөнгө оруулагч нь Дани улсад төвтэй хөрөнгө оруулалтын “Global Evolution” банк байжээ. Шинэ бондын хувьд Люксембургийн хөрөнгийн биржид бүртгэлтэй байх юм. Яг одоогийн байдлаар ОУСК нь нийт 48 орны валют бүхий бондыг зах зээлд гаргасны дотор Узбекистан, Замби зэрэг хөгжиж буй улс орнууд багтаж байна.

ОУСК нь 2009 оноос хойш хүрээлэн буй орчин, хөдөө аж ахуй, эрүүл мэнд, боловсролын систем, жижиг дунд бизнесийн эко системийг сайжруулахад чиглэсэн төслүүдэд голчлон хөрөнгө оруулах болжээ. Ялангуяа дундаж болон дунджаас доогуур хөгжилтэй улс орнуудын эдийн засгийн орчинг сайжруулахад хөрөнгө оруулалтаа чиглүүлж байна.