АНУ-ын Ерөнхийлөгч Жо Байден өчигдөр буюу 2024 оны арванхоёрдугаар сарын 01-нд ууган хүү Хантертаа өршөөл үзүүлжээ. Хантер Байден нь галт зэвсэг, татварын хэрэгт нэр холбогдож, энэ сард болох шүүх хурлаар орж, ял сонсох магадлалтай байсан юм.
“Өнөөдөр би хүүдээ өршөөл үзүүлэх бичигт гарын үсэг зурлаа” хэмээн Ж.Байден мэдэгдсэн байна. Өршөөлийн бичигт энэхүү өршөөл нь “бүрэн ба болзолт бус” гэдгийг цохон тэмдэглэжээ.

Хэдийгээр өндөр настай Ерөнхийлөгчийг эрх мэдэлтэй байгаа дээрээ хүүдээ өршөөл үзүүлсэн ч зарим талаас шүүмжлэлтэй хандаж буй ч Ерөнхийлөгчөөр сонгогдоод байгаа Дональд Трампын бүрэн эрхийн хугацаа ирэх нэгдүгээр сард хэрэгжиж эхлэх ч дээрх шийдвэрийг хүчингүйд тооцох боломжгүйг олон улсын хэвллүүд онцолж байна.

Хантер Байден 2020 оноос хойш татвар нуун дарагдуулсан, татвараас бултсан, галт зэвсэг хууль бусаар эзэмшсэн, хадгалсан гэх зэрэг хэрэгт шалгагдаж байсан бөгөөд түүний эцэг Ж.Байден өнгөрсөн Ерөнхийлөгчийн сонгуулиас нэрээ татаж авахдаа хувийн амьдралтай нь холбоотой, хувийн эрх ашиг харсан шийдвэр гаргахгүй хэмээн амлаж байлаа. Гэвч тэрбээр хүүдээ өршөөл үзүүлж, ял тооцохооргүй болгосон нь дээрх амлалтыг зөрчсөн хэрэг болж байгаа юм.

Хэрэв Х.Байдений галт зэвсэгтэй холбоотой хэргийн шүүх хурал энэ сарын 12-нд, татвартай холбоотой хэргийн шүүх хурал 16-нд болсон бол эрх чөлөөгөө хасуулах магадлал маш өндөр байсан юм.