Төрийн эрх сүрээр далайлган үргэлж сонин хачин, санаанд багтамгүй шийдвэр гаргаж, иргэдээ төрийн эсрэг тэрслүү этгээд болгон шийтгэдэг Ким Чен Ун дахиад л ер бусын шийдвэр гаргажээ. Умард Солонгосын дарангуйлан удирдагч дэлхийн хамгийн түгээмэл хоолны нэг хотдогийг улсын дайсан гэж үзэн хотдог хийж идсэн хүнийг эх орноосоо урвасанд тооцно гэж зарлалаа. Тэрбээр энэ шийдвэрээ барууны соёлын нөлөөллөөс ард иргэдээ хамгаалах, хөрөнгөтөн орнуудын эзлэн түрэмгийллийн эсрэг авч буй үндэсний хэмжээний сөрөг арга хэмжээ гэж тайлбарласан байна. Хэрэв Ким Чен Уны дээрх шийдвэрийг зөрчиж, хотдог хийх, идэх, зар борлуулах үйлдэл дээрээ баригдсан этгээдийг нэн даруй баривчилж, хөдөлмөрийн лагерт бүх насаар нь хорих шийтгэл онооно.

“Төрд тэрсэлсэн” хэрэгт ганцхан хотдог хамрагдсангүй. Буда жигэ, Өмнөд Солонгос, Америкийн хоолны соёлын нийлбэрээс үүссэн умами шөл, солонгосын халуун чинжүүтэй нухаш, овъёос, кимчи, америк спам, шош, зайдас зэргийг БНАСАУ-ын газар нутагт хориглосон байна.