Технологийн салбарын томчуудын нэг “OpenAI” компанийн захирал Сэм Алтман “хиймэл оюуны дараагийн шат AGI буюу Ерөнхий Хиймэл Оюуныг бүтээх үндсэн гаргалгааг ойлгосон. Тун удахгүй супер оюун ухаан бүтээж, ирээдүйг улам гэрэлтүүлнэ” гэж мэдэгджээ.  Тус компанийн зүгээс энэ дэвшилтэт технологид хүрэхийн тулд олон тооны судалгаа явуулж, удтал эрэл хайгуул хийсэн юм. С.Алтманы таамаглаж буйгаар хиймэл оюуны бүрэлдэхүүн хэсгүүд бие даан автоматаар ажиллаж эхэлснээр энэ жилдээ багтаан компанийн үйл ажиллагааг материаллаг талаас нь бүрэн өөрчлөх боломжтой болно.

Энэ долоо хоногийн даваа гарагт OpenAI-гийн өнгөрсөн, ирээдүйн талаар хэлэлцдэг блогд оруулсан С.Алтманы зарлалаас харахад дараагийн зорилго нь супер оюун ухааныг шууд утгаар нь бодит болгоно. Одоогийн бүтээгдэхүүнүүдэдээ сэтгэл хангалуун байгаа. Гол нь одоо гэрэлт ирээдүйн төлөө ажиллана. Супер оюун ухааны хэрэгслүүд шинжлэх ухааны нээлтийг харьцангуй түргэсгэж, хүний оюун санаанд ч багтамгүй инновацуудыг гаргах боломжтой. Ингэснээр бүх нийтээрээ хөгжил цэцэглэлт, элбэг дэлбэг байдалд хүрнэ” гэжээ.

OpenAI-гийн захирлын төсөөллөөр AI нь AGI-г бүтээх суурь бөгөөд хүний оюун ухаан, бодох, сэтгэхээс даван гарсан байна. Ингэхэдэ нийт хүн төрөлхтний ашиг тусыг нэмэгдүүлсэн бүтээгдэхүүн болох нь. Гэхдээ хүмүүсийн бодсон шиг хэт давуу шинж чанартай биш гэдгийг ч онцолжээ. OpenAI компани 2023 онд Майкрософттой хамтын ажиллагааны гэрээ үзэглэх үеэр Ерөнхий Хиймэл Оюун буюу AGI нь 100 тэрбум долларын ашиг олох боломжтой систем гэдгийг цохон тэмдэглэж байсан билээ.