Гималайн нурууны өндөрлөгт орших Төвөдийн нийслэлээс холгүй хэсэгт орон нутгийн цагаар өнөөдөр 10:00 цагийн орчимд 6.8 магнитутын хүчтэй газар хөдөлж, Лхас хотод орших, “ариун хот” гэгддэг Потала ордоны хана, суурийн хэсэг цуурч нурах эрсдэлд орсон байна. Газар хөдөлсний улмаас олон тооны байшин барилга нурж, 53 хүн амиа алдаж, 62 хүн бэртсэн гэж БНХАУ-ын төрийн мэдлийн мэдээллийн агентлаг ССTV мээдээллээ. Хятадын Газар хөдлөлт судлах төвийн хэмжиж, тогтоосноор газар хөдлөлтийн голомт Төвөдийн Шигацэ хотын ойролцоох Дингрид газрын гадаргаас 10 метрийн гүнд байсан байна. Харин АНУ-ын Геологийн ажиглах төвийн бүртгэж авснаар газар хөдлөлтийн хүч 7.1 магнитут хүрчээ.

Энэтхэг, Евразийн заагт орших Төвөдийн өндөрлөг нь газар хөдлөлтийн идэвхтэй бүсэд оршдог бөгөөд өнгөрсөн зуунд арав гаруй удаа зургаа ба түүнээс магнитутын хүчтэй газар хөдлөлт болж байсан түүхтэй. Тэр бүх тохиолдол өнөөдөр газар хөдлөлт болсон цэгээс 250км-ийн радиус дотор тэмдэглэгджээ.