Судлаачдын нэрлэснээр Ж35 буюу Талекуа гэх нэртэй алуурчин халим 2018 онд тугалаа алдаж, хүүрийг нь орхиж чадалгүй хамар дээрээ тогтоон 17 хоногийн турш 1,600 гаруй км түрж яваа бичлэг, мэдээлэл онлайнаар цацагдаж, дэлхийн сая, сая хүний сэтгэлийг өрийг өвтгөж байсан билээ. Гэтэл Телакуад дахин эмгэнэлт явдал тохиолдож, өмнөхтэйгээ ижил гашуудлын зан үйл үйлдсэн талаар АНУ-ын Үндэсний далай тэнгис, агаар мандал судлах газрын эрдэмтэд мэдээлжээ. Эрдэмтдийн ажигласнаар Ж51 нь өнгөрсөн оны арванхоёрдугаар сарын 20-нд тугалсан нь тогтоогдож, шинэхэн тугалд Ж51 гэх бүртгэлийн нэр өгөөд байсан юм. Гэтэл хэдхэн хоногийн дараа буюу өнгөрсөн сарын 23-ны орчимд АНУ-ын Вашингтон мужийн Пижет Саунд хавьцаа амьгүй тугалаа живүүлэхгүйн тулд хамар дээрээ тогтоогоод түрж яваа алуурчин халимны талаарх мэдээллийг энгийн иргэд өгчээ. Ингээд судлаач Др.Майкль Вайсс мэдээллийн дагуу нягталж үзээд Талехуад дахин эмгэнэлт явдал тохиолдсоныг зул сарын өмнөх өдөр буюу 2024 оны арванхоёрдугаар сарын 25-нд баталгаажуулсан байна.