Улсын их хурлын ээлжит чуулганаар Монголбанкы Мөнгөний бодлогын хорооны орон тооны бус гишүүнд нэр дэвшигчдийг томиллоо. Эдийн засгийн байнгын хорооны холбогдох тогтоолын дагуу зарласан нээлттэй сонгон шалгаруулалтын дүнд үндэслэн Н.Батнасан, Р.Даваадорж, Б.Мөнхзаяа, Б.Энх-Амгалан нарыг томилсон байна. Санал хураалт явуулахад Н.Батнасанг хуралдаанд оролцсон гишүүдийн 59.1%, Р.Даваадоржийг  50.5%, Б.Мөнхзаяаг  58.1%, Б. Энх-Амгаланг 52.7% саналаар тус тус дэмжжээ.

Уншигч та бүхэнд Монголбанкны Мөнгөний бодлогын хорооны орон тооны бус гишүүдийг танилцуулъя.

Р.Даваадорж


Тэрбээр 1968 онд Ховд аймагт төрсөн, 57 настай. 

Боловсролын байдал

• 1992-1997 онд Эрхүүгийн политехникийн дээд сургуулийг цахилгааны инженерээр төгссөн.
• 1999-2002 онд Санхүү эдийн засгийн дээд сургуулийг төгссөн. 
• 2001 онд Техникийн их сургуульд цахилгааны системээр магистрын зэрэг хамгаалсан. 
• 2004-2008 онд ОХУ-ын Засгийн газрын дэргэдэх Санхүүгийн академид эдийн засгийн ухааны докторын зэрэг хамгаалжээ. 

• 2004-2008 онд Нийслэлийн захирагчийн ажлын алба, Аялал жуулчлалын хэлтсийн дарга
• 2008-2013 онд Ховд, Сэлэнгэ аймгуудад Гаалийн орлогч дарга, ахлах байцаагч; 
• 2013-2016 онд Улсын бүртгэлийн ерөнхий газрын Дэд дарга; 
• 2016 онд Тахарын албаны Дэд дарга;
•  2017-2024 онд Улсын Их Хурал дахь АН-ын бүлгийн ажлын албанд Эдийн засгийн зөвлөх;   
• 2024 оны 09 сараас Улсын Их Хурлын дэд даргын ахлах зөвлөхөөр ажиллаж байна.

Н.Батнасан

Тэрбээр 1970 онд Увс аймагт төрсөн, 55 настай. 

Боловсролын байдал

• 1993 онд МУИС-ийн Эдийн засгийн сургуулийг гадаад худалдааны эдийн засагчаар төгссөн. 
• 1998 онд тус сургуульдаа эдийн засгийн ухааны магистр.
• 2001 онд эдийн засгийн ухааны докторын зэрэг хамгаалсан, профессор.
• 2008 онд БНСУ-ын Соганы их сургуульд докторын дараах сургалтад хамрагдсан. 

• 1993-1994 онд Үйлдвэр, худалдааны яамны харьяа Улсын бөөний худалдааны нэгдэлд Гадаад худалдааны мэргэжилтэн;
• 1995-1998 онд “Бөөний худалдаа” ХК-д гадаад худалдааны менежер;
•  1994-1996 онд Үйлдвэр, худалдааны яамны харьяа "Монгол худалдаа концерн"-д ерөнхий менежер; 
• 1996-1997 онд Үйлдвэр, худалдааны яамны харьяа "Монгол худалдаа концерн"-д ерөнхий захирал; 
• 1998-1999 онд  “Сэрүүлэг” дээд сургуульд багш;   
• 2000-2013 онд МУИС-ийн Эдийн засгийн сургуульд багш, ахлах багш, дэд профессор, профессор; 
• 2013-аас одоог хүртэл МУИС-ийн Бизнесийн сургуулийн захиралаар ажиллаж байна.

Б.Мөнхзаяа

Тэрбээр Завхан аймагт төрсөн, 41 настай.

Боловсролын байдал

• 2001-2005 онд Санхүү эдийн засгийн дээд сургуульд суралцаж, бизнесийн удирдлагаар бакалавр;
• 2008 онд тус сургуульдаа бизнесийн удирдлагын магистрын зэрэг;
• 2013 онд мөн сургуульдаа бизнесийн удирдлагын ухааны докторыг зэрэг;
• 2019-2020 онд Австралийн Монашийн их сургуульд банк санхүүгийн магистрын зэрэг хамгаалсан байна.

• 2005-2015 онд СЭЗДС, Санхүүгийн удирдлагын тэнхимийн багш;
• 2015-2018 онд сургуулийнхаа Санхүүгийн удирдлагын тэнхимийн эрхлэгч;
• 2018-2019 онд Санхүүгийн удирдлагын тэнхимийн Дэд профессор;
• 2021 оноос одоог хүртэл сургуулийнхаа Бакалаврын сургалт, судалгаа хариуцсан проректороор ажиллаж байна.

Б.Энх-Амгалан

Тэрбээр 1984 онд Завхан аймагт төрсөн, 41 настай.

Боловсролын байдал

• 1999 онд МУИС-ийн Эдийн засгийн сургуулийг эдийн засагч мэргэжлээр бакалавр,
• 2000 онд МУИС-д эдийн засгийн магистр,
•  2005 онд Япон Улсын Осака мужийн их сургуульд эдийн засгийн магистр, докторын зэрэг хамгаалжээ.

• 1999 онд “НИК” ХК-д эдийн засагч;
• 1999-2002 онд МУИС-ийн Статистикийн тэнхимд багш;
• 2008 онд МУИС-ийн Эдийн засгийн сургуулийн Статистикийн тэнхимийн эрхлэгч;
• 2008-2010 онд Япон Улс, Кобегийн их сургууль, докторын дараах судлаач;
• 2010-2011 онд Япон Улсын Осака мужийн их сургуульд зочин судлаач;
• 2011-2012 онд МУИС-ийн Эдийн засгийн сургуулийн Статистикийн тэнхимийн эрхлэгч;
• 2012-2013 онд “Очир төв” ХХК-ид санхүүгийн зөвлөх;
• 2013-2014 онд АНУ-ын Индианагийн их сургуулийн Эдийн засгийн тэнхимд зочин судлаач;
• 2014 оноос одоог хүртэл МУИС-ийн Эдийн засгийн сургуулийн дэд профессор;
• 2014-2015  онд “СИКАП ҮЦК” ХХК-ийн Гүйцэтгэх захирлаар ажилласан байна.
• 2015-2018 онд МУИС-ийн Шинжлэх ухааны сургуулийн Дэд захирал;
• 2018-2020.03 онд МУИС-ийн Ахисан түвшний сургуулийн Бодлогын газрын дарга;
• 2020.03 дугаар сараас МУИС-ийн Ахисан түвшний сургуулийн захирал;
• 2020-2021 онд МУИС-ийн Санхүү, төлөвлөлт хариуцсан дэд захирал;
• 2024 оноос одоог хүртэл МУИС-ийн Бизнесийн сургуулийн тэнхимийн эрхлэгч, Дэд профессороор ажиллаж байна.