Reuters - Сэргээгдэх эрчим хүчний хөгжлийг дараагийн шатанд гаргахад Монгол Улс, Европын сэргээн босголт, хөгжлийн банк хамтран ажиллахаар боллоо. Швейцарийн Давос хотод болж буй Дэлхийн эдийн засгийн чуулган дээр талуу өчигдөр хамтын ажиллагааны гэрээ үзэглэж, Европын сэргээн босголт, хөгжлийн банкнаас манай нар, салхи болон эрчим хүч нөөцлөх төслүүдийг эрчимжүүлэхээр тохирчээ.

Гэрээний гол санаачилга 300МВт-н нарны эрчим хүчний станц, 200МВт-ийн салхины эрчим хүчний станцыг эрчим хүч нөөцлүүрийн хамт барьж байгуулах ажлыг эхлүүлж, 2028 онд ашиглалтанд оруулж, дэд бүтцийн хамт хүлээлцэхэд чиглэж байна. Европын сэргээн босголт, хөгжлийн банкнаас Монгол Улсын сэргээгдэх эрчим хүч, нүүрстөрөгч бага ялгаруулдаг технологи хөгжүүлэх стратегийг боловсруулахад туслалцаа үзүүлнэ гэж гэрээнд заажээ.

“Хоёр талын хамтын ажиллагаа нь Монголын эрчим хүчний салбарыг илүү тогтвортой, өрсөлдөхүйц, даян дэлхийн цаг уурын зорилтот нийцүүлэн хувьсгахад зорьж байна” гэж Шадар сайд Т.Доржханд мэдэгдэлдээ онцолжээ.

Европын сэргээн босголт, хөгжлийн банк нь 2024 онд Монгол Улсад ногоон шилжилтийг дэмжих зорилгоор 28 төсөл 260 сая еврогоор санхүүжүүлсэн байна.