Олон улсын Ройтерс болон “Mining” цахим хуудаст мэдээлснээр Монгол Улс ойрын хугацаанд Саудын Арабтай ногоон эрчим хүч тэр дундаа устөрөгч, сэргээгдэх эрчим хүчний салбарт хамтран ажиллах хэлэлцээрт гарын үсэг зурна гэж мэдээллээ. Тус мэдээллийн агентлагууд Монгол Улсын Шадар сайд Т.Доржхандын хэлсэн үгийг эш татан мэдээлсэн байна. Түүнчлэн зэс, коксжих нүүрсээр баян Монгол Улс гадаадын хөрөнгө оруулагчдыг татах, сэргээгдэх эрчим хүчний салбарт онцгойлон анхаарч байгааг ч тодотгожээ.

Монгол Улс үүнтэй адил төстэй гэрээг Арабын нэгдсэн эмират улстай ч байгуулахаар төлөвлөж байна. Монгол Улсын хувь Францын талтай ураны төсөлд, коксжих нүүрсний салбарт Энэтхэгтэй, мөн гуравдагч хөрш орнуудтай эрчим хүч, газрын ховор элементийн салбарт хамтран ажиллахаар төлөвлөж буй.

Ташрамд сануулахад өнгөрсөн долоо хоногт Монгол Улсын Ерөнхий сайд Л.Оюун-Эрдэнэ “TIME” сэтгүүлд өгсөн ярилцлагадаа. АНУ-тай эрчим хүчний салбарт ажиллах сонирхолтой гэдгээ онцлоод барууны улс орнуудыг бодитой дэмжихийг уриалсан билээ.