АНУ-ын Ерөнхийлөгчийн сонгууль энэ оны арваннэгдүгээр сарын 05-нд болно. Ардчилсан намаас одоогийн Ерөнхийлөгчийн үүрэг гүйцэтгэгч Жо Байден нэр дэвшихээ мэдэгдсэн. Харин Бүгд найрамдах намаас нэр дэвшихээр хөөцөлдөж байгаа Ерөнхийлөгч асан Дональд Трамп Ерөнхийлөгчийн сонгуулийн хуулийн дагуу холбогдсон гэмт хэргээс нэрээ цэвэрлэх ёстой ч энэ ажил нэг л урагшлахгүй байна. Тэрбээр Жеоржиа мужийн сонгуулийн санал хураах явцад хөндлөнгөөс оролцсон, холбооны нууц бичиг баримт задруулсан гэх хоёр хэрэгт холбогдож, шүүхээр явж буй.

             Ерөнхийлөгчийн сонгуультай холбоотойгоор дээрх хоёр хэргийг хэрэгсэхгүй болгох хүсэлтээ АНУ-ын Флоридагийн тойргийн шүүхэд гаргасан ч шүүгч Эйлийн Кеннон татгалзсан хариу өгчээ. Д.Трамп нь Ерөнхийлөгчөөс буусныхаа дараа Цагаан ордоны маш нууц зэрэглэлтэй бичиг баримтуудыг задруулсан нь онц ноцтой гэмт хэрэгт тооцогдох тул нухацтай авч хэлэлцэх ёстой гэж шүүгч Кеннон тайлбарлажээ.
                 
                Дээрх хоёр хэргээс гадна 2016 онд Ерөнхийлөгчийн сонгуулийн үеэр сурталчилгаандаа эх үүсвэр нь тодорхойгүй их хэмжээний мөнгө ашигласан гэх гурав дахь хэрэг сөхөгдөж, Нью-Йорк хотын шүүх энэ сард багтаан хэлэлцэхээр болсон байна. Үүнээс гадна өмнөх Ерөнхийлөгчийг гэмт хэрэгт татахгүй байх дархан эрхийн асуудлыг Вашингтон хот дахь Дээд шүүх энэ сардаа багтаан авч хэлэлцэхээр болсон талаар CNN мэдээлэв.