Хэвлэлүүдийн дамжуулж буйгаар нэрийг нь Девид гэж тодорхойлсон нэгэн этгээд галт тэрэгний өртөөн дээр гар утсаар ярихдаа чанга яригч дээр нь тавьж, бусдын амгалан тайван байдлыг алдагдуулсан тул 200 доллараар торгуульжээ. Хариуцлага хүлээсэн этгээд өнгөрсөн ням гарагт Францын Нантес хотод хуваарьт галт тэрэг хүлээнгээ дээрх үйлдлийг хийсний улмаас арга хэмжээ авахуулсан гэнэ. Девид охин дүүтэйгээ утсаар ярьж байтал SNCF төмөр замын компанийн албаныхан түүнийг түр саатуулж, хариуцлага тооцжээ. “Анх утсаа чанга яригч дээр нь тавьж ярьсан учир 150 еврогийн торгууль оногдуулна гэхэд нь би итгээгүй. Цаашлуулж байна гэж бодсон” хэмээн Девид орон нутгийн хэвлэлд учирлажээ. Харин албаныхны тайлбарлаж буйгаар Девид торгуулиа газар дээр нь төлөөгүй учир 200 евро болж нэмэгдэхийг бас анхааруулсан байна. Иймд торгуульсан этгээд өөрийгөө хохирсон гэж үзээд хуульч хөлслөн SNCF компанитай заргалдахаар шийдсэн гэнэ. SNCF компанийн зүгээс олон нийтийн газар чихэвч ашиглалгүйгээр утсаар ярих, бичлэг үзэх, дуу сонсох зэрэг нь бусад үйлчлүүлэгчийн дургүйцлийг төрүүлж, ая тухыг нь алдагдуулдаг тул арга буюу журам баталж, зөрчсөн тохиолдолд торгуулийн арга хэмжээ авдаг байх шийдвэр гаргаад хэрэгжүүлж байсан нь өнөөдрийн энэ маргааны шалтгаан болсон гэжээ. Нөгөөтэйгүүр утсаар ярихдаа чанга яригч дээр тавих нь тухайн хүний хувийн хэрэгт хамааралгүй эргэн тойрных нь хүмүүст албан хүчээр амьдралаа сонгосон нэгэн төрлийн хүчирхийлэл гэж төмөр замын компанийн тайлбарлажээ.