Монгол Улсын Засгийн газрын шинээр гаргахаартөлөвлөж буй бондыг “Fitch Ratings”, “S&P Global Ratings” агентлагууд “В+” гэж үнэлжээ. Гэхдээ анхаарах хэд, хэдэн зүйл бий. Монголын төр төсвийн тэлэх бодлого баримталж байгаа нь гадаад эрсдэл нэмж, санхүүжилтийн урсгал саарах хандлагатай байна. Энэ нь шинэ бондын зэрэглэл буурахад хүргэж болзошгүйг анхааруулсан юм. Түүнчлэн Засгийн газрын баримталж буй бодлогын гэнэтийн өөрчлөлт нь сөргөөр нөлөөлж болзошгүй.

Шинэ бонд гаргахтай холбоотойгоор 2026 онд хугацаа нь дуусах “Номад”, 2028 онд хугацаа нь дуусах “Хүннү” бондыг худалдан авах тендер зарласан. Тэгвэл энэ мэдэгдлийн дараа эдгээр бондын ханш өссөн байна. Ингэснээр сүүлийн гурван жил дараалж унаад байсан “Номад”, “Хүннү” бондын ханш эргэн өслөө.