ОХУ-ын Бүгд Найрамдах Чечень Улсын эрх баригчид хэт хурдан, хэт удаан дуу, хөгжмийг хориглолоо. Чеченийн Соёлын яам албан ёсны цахим хуудсаараа дамжуулан эл шийдвэрийг танилцуулж, Соёлын сайд Муса Дадаев, Ерөнхийлөгч Рамзан Кадыровтой ярилцаж, зөвшилцсөний үндсэнд ийн шийдвэрлэлээ хэмээн тайлбарлажээ.

“Бүхий л төрлийн дуу, хөгмим, бүжгийн ая нэг минутанд 80-116 хэмнэлтэй байх ёстой. Энэ нь Чечень сэтгэлгээ болоод хэмнэлийн мэдрэмжийг хадгалах зорилготой юм” гэх шаардлагыг М.Дадаев тавьсныг ОХУ-ын төрийн мэдлийн ИТАР-ТАСС агентлаг дамжуулсан байна. Мөн тэрбээр “Бусад соёлын дуу хөгжмийг зээлдэх нь үндэсний онцлогийг бүдэгрүүлэх аюултай учир байж болшгүй явдал юм. Ард түмэн, ирээдүй хойчдоо Чеченийн соёлын өвийг бүрэн бүтэн хүргэх үүрэгтэй. Үүний хүрээнд Чеченийн ёс суртахууны цар хүрээ, ёс зүйн жишгийг тогтоохыг зорино” гэснийг Их Британийн Гвардиан сонин онцолжээ.

Дээрх хориг хэрэгжиж эхэлснээр уран бүтээлчид ирэх зургаадугаар сарын 01-нээс өмнө амжиж, дуу, уран бүтээлээ шинэчлэн бичүүлэх шаардлагатай болж байгаа ч шинэ журмыг хэрхэн хэрэгжүүлэх нь тодорхойгүй байна.

Сонирхуулахад Чеченийн шинэ хоригт хамаарахгүй дуунууд:
Beyonce – “Texas Hold 'Em” (110 BPM)
Bee Gees - "Stayin' Alive" (104 BPM)
Led Zeppelin - "Stairway to Heaven" (82 BPM)
ABBA - "Dancing Queen" (101 BPM)
Taylor Swift - "All Too Well" (94 BPM) /10 минутийн хувилбар/

Хэтэрхий удаан дуунууд:
Jimi Hendrix - Little Wing" (71 BPM)
Bobby McFerrin - "Don't Worry Be Happy" (69 BPM)
Amy Winehouse - "Rehab" (72 BPM)
Whitney Houston - "I Will Always Love You" (68 BPM)
John Lennon - "Imagine" (76 BPM)
Adele - "Hello" (79 BPM)

Хэтэрхий хурдан дуунууд:
Beatles - "Here Comes the Sun" (129 BPM)
Taylor Swift - "Cruel Summer" (170 BPM)
Beyonce - "16 Carriages" (127 BPM)
Nirvana - "Smells Like Teen Spirit" (117 BPM)
Britney Spears - "Toxic" (143 BPM)
Eagles - "Hotel California" (147 BPM)