Дэлхий даяар 2023 онд нүүрсээр ажилладаг эрчим хүчний багтаамж 2% өссөн дүн мэдээ гарчээ. Энэ нь 2016 оноос хойш нэг жилд хамгийн өндөр өссөн дүн боллоо. Хэдийгээр дэлхий даяар сэргээгдэх эрчим хүчний хэрэглээ нэмэгдэх хандлагатай байгаа ч Дэлхийн эрчим хүчний ажиглалтын төвийн судалгаагаар 2023 онд нийт 70 гигаватт нүүрсний эрчим хүчний цахилгаан станц ашиглалтад оржээ. Үүнээс 47.4 ГВт нь Хятадад ногдож байгаа юм. БНХАУ-ын 14-р таван жилийн төлөвлөгөө 2022 оны эхээр батлагдахад “орчин үеийн эрчим хүч” дэд хэсэгт дурдсанаар 2025 он гэхэд нүүрсний эрчим хүчийг 30 ГВт-аар хорогдуулна гэх зорилт дэвшүүлсэн билээ. Гэвч GEM-ийн тайланд дурдсанаар Хятадын засаг захиргаа өнгөрсөн гурван жилд нүүрсний эрчим хүчийг ердөө 9 ГВт-аар бууруулжээ.

Уур амьсгалын өөрчлөлтийн талаарх Парисын хэлэлцээр ёсоор 25 улс нүүрсний эрчим хүчний хүчин чадлаа бууруулсан ч 35 улс эсрэгээр нэмжээ. Ялангуяа эдийн засгаар бүс нутаг болон дэлхийд тэргүүлэгч улс орнууд нүүрсний эрчим хүчний хэрэглээг бууруулахгүй байгаа нь анхаарал хандуулах ёстой хүчин зүйл гэж Дэлхийн эрчим хүчний ажиглалтын төвийн тайланд дурдсан байна.

Олон улсын эрчим хүчний агентлагийн урьдчилсан тооцоогоор дэлхийн дундаж температуын өсөлтийг цельсийн 1.5 хэмд барихын тулд 2040 он гэхэд нүүрсний хүчин чадлыг үлэмж хэмжээгээр бууруулах шаардлага тулгарч байгаа юм. Чухам иймийн тулд жил бүр дунджаар 126 ГВт буюу долоо хоногт хоёр цахилгаан станцыг хаах шаардлагатай гэсэн судалгаа гарчээ.

Эх сурвалж: Carbon Brief / Reuters