Үер, цаг агаарын тогтворгүйн нөлөөгөөр хүндхэн байдалд орсон фермийн аж ахуй эрхлэгчдэд яаралтай тусламж үзүүлэхгүй бол Их Британийн хүнсний аюулгүй байдал алдагдахад ойрхон байна гэж тус улсын Үндэсний фермерүүдийн эвлэл анхааруулжээ. Тиймээс Засгийн газраас үерт автсан фермерүүдэд татаас, нөхөн төлбөр олгох замаар туслалцаа үзүүлж, ахуйн хүнсний үйлдвэрлэлийг дэмжих шаардлагатай байгааг тэд сануулсан байна.

Сүүлийн жилүүдэд дэлхий даяар үер усны гамшиг элбэгшсэн нь цаг уурын өөрчлөлттэй холбоотой гэж эрдэмтэн, мэргэжилтнүүд тайлбарлаж байгаа юм. Магадгүй дэлхий даяар үзэгдэх болсон энэ байгаль орчны хямрал нь энгийн хэвшмэл болж мэдэх юм гэж зарим эрдэмтэд таамаглажээ.

Засгийн газрын зүгээс газар тариалан, мал аж ахуй эрхлэгчдэд олгох нөхөн төлбөрийн шинэ схем боловсруулж байгаа гэсэн ч бодит үр дүн харагдах хүртэл нэлээд хугацаа орох шинжтэй байна гэв. Их Британийн Үндэсний фермерүүдийн эвлэл өнөөгийн нөхцөл байдлыг тайлбарлахдаа өнгөрсөн намраас хойш хур тунадас их хэмжээгээр орж, газар тариалангийн талбай, малын бэлчээр усанд автсан тул ургац алдаж, мал амьтдын эрүүл мэнд огцом доройтож байна.