Медиа

Улаанбаатар хотод метро барих ажил нэг шатаар ахилаа

2024/05/20
Өнгөрсөн өвөл буюу энэ хоёрдугаар сарын 29-ний өдөр Улаанбаатар хотын захирагчийн албанаас Улаанбаатар хотын түгжрэлийг бууруулах ажлын хүрээнд олон хүний багтаамжтай газар доогуурх тээврийн хэрэгсэл буюу метроны шугам байгуулах тендерийг зарласан билээ. Тус албанаас өнөөдөр 14:00 цагт мэдээлэл хийж, Улаанбаатар хотод метро байгуулахад зөвлөх үйлчилгээний хоёрдугаар шатны тендерийг нээв. Уг тендерт дөрвөн оролцогч компани албан ёсоор метро байгуулах үнийн саналаа ирүүлсэн байна. Угтаа тендерийг энэ сарын 03-нд нээх байсан боловч зарим оролцогч байгууллагын хүсэлтээр хугацааг өнөөдөр болгон хойшлуулсан гэж тайлбарлалаа.

Метрог барьж байгуулах тендерийг тун удахгүй зарлана. Харин өнөөдөр задалсан тендерээр тодорсон оролцогч нь Улаанбаатар хотын захирагчийн алба болон ард түмний өмнөөс метроны шугам байгуулах ажлын явц, зориулсан төсвөөс гарах төгрөг бүрийг хянах үүрэгтэй гэж ойлгож болно. Мөн дээр нь барилгын ажил технологийн дагуу явж буй эсэх, ТЭЗҮ, зураг төсөлд нарийвчлан шаардлага тавих туршлагатай, мэргэжлийн этгээдийг тодруулах ажлын нэг хэсэг юм.

Улаанбаатар хотод метро байгуулахад зөвлөх үйлчилгээ үзүүлэх мэргэжлийн этгээдийг тодруулах тендерийн хоёрдугаар шатанд:
  1. “MPC engineering” компани 181,935,000,000 төгрөгийн үнийн санал ирүүлж, “International bank of economy and cooperation” банкаар төлбөрийн үүрэг хүлээх баталгаа гаргасан байна.
  2. “China railway design corporation” компани 176,291,108,298 төгрөгийн үнийн санал ирүүлж, “Bank of China” банкаар төлбөрийн үүрэг хүлээх баталгаа гаргасан байна.
  3. “Dohwa engineering Co.,LTD” компани 145,911,000,000 төгрөгийн үнийн санал ирүүлсэн ч тендерийн баталгааг системд оруулаагүй байна.
  4. “Guangzhou metro group Co.,LTD” компани 145,548,000,000.80 төгрөгийн үнийн санал ирүүлж, “Bank of China” банкаар төлбөрийн үүрэг хүлээх баталгаа гаргасан байна.
Тендерийн хороо холбогдох өдрүүдэд хуралдаж, шийдвэрээ гаргасны дараа дэлгэрэнгүй мэдээлэл өгнө гэлээ. Ийнхүү улаанбаатар хот метротой болох ажил нэг алхмаар урагшилж байна. Үүний дараагаар метро байгуулах туршлагатай, найдвартай компанийг шалгаруулах тендерийг зохион байгуулснаар Улаанбаатар хот метротой болох мөрөөдөл биелэлээ олоход хүрэх нь.

Холбоотой мэдээ

Нийт нутгийн 40 хувьд гантай болон гандуу байна
Гурвалжингийн гүүрийн авто замын зүүн эгнээг хэсэгчлэн хааж, засвар шинэчлэлтийн ажлыг гүйцэтгэж байна
Өмнөговь аймаг дулааны цахилгаан станц барих төслийг санхүүжүүлэх зорилгоор үнэт цаас гаргана

Сэтгэгдэл бичих

Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд SHUGELULEEGCH.mn хариуцлага хүлээхгүй.
Сэтгэгдэл 0