Тэрбээр “Өргөдлийн байнгын хорооны хурал дээр 50 тэрбум төгрөгийн бүтцэд байгаа 9.8 тэрбумыг 6 хувийн сургуульд хувьсах зардал нэрээр тарааж өгөх ажлын хэсгийн тооцоо судалгаа байсан нь хөдөлшгүй нотлох баримт. УИХ-ын гишүүд аливаа төсвийн задаргааг асуух нь зарчмын асуудал. УИХ-ын гишүүд ажлаа л  хийсэн. Гэтэл өнөөдөр Боловсролын сайд Л.Энх-Амгалан буруу ярилаа. Гишүүний хувиар улс төрийн байр сууриа илэрхийлэхээ салгаж, зааглах ёстой. Гишүүд мэдэх эрхтэй, ажлаа л хийсэн. Өөрсдөө гүйж очиж аваагүй, имэйлээр өргөдлийн байнгын хороонд ирсэн. Тэр сургуулиуд хүсээгүй байхад яагаад Боловсролын сайд нь өгнө гэсэн юм. Үүнийг хянах, үүрэг хариуцлага нь салбарын сайдад бий” гэв.