АН-ын О.Цогтгэрэл:
-АН-ын бүлгийн гишүүд шударга бус тогтолцоо, шударга бус төсөв, шударга бус төрийн өндөр албан тушаалтандаа хариуцлага тооцох ёстой гэдэг байр сууринд нэгдэж байна. УИХ-ын намрын чуулган өнөөдөр нээлтээ хийлээ. Бүлгийн хуралд Сангийн сайд оролцож, улсын 2027 оны төсөв бүхэлдээ хууль зөрчсөн гэдгээ хүлээн зөвшөөрч байна. АН-аас Ерөнхий сайд Н.Учралыг итгэл үзүүлэх асуудлаа УИХ-д маш яаралтай оруулж ирэн, хэлэлцүүлэхийг шаардаж байна. Яагаад гэвэл, Засгийн газрын бодлого явахаа байлаа. Олон улсад бодлогын зөрчилдөөн гарвал, гүйцэтгэх засаглалын тэргүүн өөртөө итгэл үзүүлэх асуудлаа парламентад оруулж ирдэг жишиг байдаг. Хэрвээ итгэл үзүүлбэл, бодлогын дэмжлэг авна. Итгэл үзүүлэхгүй бол санаачилсан хуулийг хэлэлцэх шаардлагагүй гэдэг олон улсын жишиг бий. Иймд Н.Учралыг итгэл үзүүлэх асуудлаа нэн даруй ард түмний төлөөлөл болсон томилсон парламентаас итгэл үзүүлж байгаа эсэхийг асуу. Н.Учрал Ерөнхий сайдын кабинет өөрөө ямар байдал байгаа олон нийт харж байгаа. Танхим нь Ерөнхий сайддаа итгэхгүй байна. Ерөнхий сайд нь сайд нартаа итгэхгүй байна. Ийм Засгийн газар ард түмний өмнө, парламентын өмнө ажил хариуцаж чадахгүй. АН Үндсэн хуулийн хүрээнд Монгол Улсын Ерөнхий сайд эелдэг боломж олгож байна. Ерөнхий сайд итгэл үзүүлэх асуудлаа оруулж ирэхгүй бол АН огцруулах бичгээ өргөн барина.
С.Ганбаатар:
-Монгол оронд худал, хулгай нүүрлээд удаж байна. МАН өнөөдөр нурах байшин дотроосоо байдгийг бодитоор харуулж байна. Эдний хулгай тэнгэрт хадлаа. Шатыг дээрээс нь шүүрддэг. Доороос нь шүүрддэггүй юм. Бидний зүгээс Ерөнхий сайдад хувийн сургуулиар холбогдсон энэ асуудал дээр ёс зүйн хариуцлагаа хүлээ гэдэг боломж олгож байна. Бид ажлаа хийж байсан төрийн албан хаагчдыг хам хэрэгтэн болгож хэлж байгаа явдлыг хараад мэл гайхаж байна. Бид үүнийг Ерөнхий сайд нь өөрөө Монгол оронд худал, хулгайг өөрчилж байгаа гэдгээ харуулах боломж гэж харж байна. Энэ бол ёс зүйн хариуцлага. МАН-ын дотоод ёс суртахуун хэр байгаа вэ гэдгийг үүнээс харж болно.