Сэтгэгдэл 0
ХЗДХ-ийн сайд С.Амарсайхан цагийн үеийн асуудлаар ноцтой баримтуудыг дэлгэж байна. Тэрбээр “Улс төр, бизнес, хуулийнхны угсарсан мафын сүлжээ урьд өмнө нь байгаагүйгээр идэвхжилээ. Энэ мафын сүлжээ хууль төрийн байгууллагa, төрийн цэргийн байгууллага татан оролцуулж байна. ШШГЕГ-ын бүх цэргийн байгууллагын алба хаагчид өчигдөр хууль зөрчиж мэдээлэл хийлээ.
"Төрийн мөрдөстэй алба хаагчийг татан оролцуулж, амь тавьж мэдээлэл хийлээ. Хуулийн байгууллагын дотоод асуудалд би тодорхой шаардлага тавьсан. Монгол Улсын хар хайрцгийн бодлогыг гадаад, дотоод хүчин зүйл тогшиж байна. Тиймээс хууль бус үйл ажиллагааг тэвчихгүй. Цагдаа, шүүхийн шийдвэрийн бүлэглэл тонон дээрэмдэх үйл ажиллагаа хийж байгаа” хэмээн мэдэгдэв.
Мөн тэрбээр энэ бүлэглэл ШШГЕГ-ын дотор нууц тагнуулын газар ажиллуулж, хар тамхи, хууль бус алт олборлолтын сүлжээг ажиллуулдаг гэв. Тухайлбал, ШШГЕГ-ын дарга С.Намсаманд нь гантиг, нүүрсний нөөц бүхий газрыг Г.Занданшатарын хамт завшихаар санаархаж байгаа. Б.Энхбаяр ХЗДХ-ийн сайдаар ажиллаж байхдаа цагдаагийн албан хаагчдын нэмэлт цалин болох 7.9 гаруй тэрбум төгрөгийг ШШГЕГ руу шилжүүлж идсэн. Г.Занданшатарын зааварчилгаагаар 500 тэрбум төгрөгийн үнэ бүхий алтыг хууль бусаар олборлож, 300 тэрбумын татвараас зугтаасан. Мөн А.Намсаманд хоригдлуудаар байшин бариулж, 408 сая төгрөгийг зориулалтын бусаар хувьдаа зарцуулж, Зайсанд нэг өрөө байр авсан. Үүнээс гадна 5 тэрбумын авлигын асуудал ч яригдана. ХЗДХ-ийн сайдад ч авлига өгүүлэхээр хүмүүс холбогдуулж байсан. Түүнчлэн хар тамхины бүлэглэлийг хамгаалдаг мафи хууль хүчний байгууллагад бий. Үүний ард байгаа компанийн захирлууд, урлаг соёлынхон, улстөрчдийн сүлжээг байдаг зэргийг баримттайгаар мэдээллээ.
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд SHUGELULEEGCH.mn хариуцлага хүлээхгүй.