Энэ үеэр салбарын сайд болон уулзалтад оролцож буй төлөөлөгчдөд БНХАУ-ын Иргэний нисэхийн нислэгийн их сургуулийн удирдлагууд нислэгийн хөдөлгөөний удирдлага, нислэгийн диспетчер, нисэхийн удирдлага, инженерчлэл болон нам өндрийн нисэх технологи зэрэг чиглэлээр мэргэжилтэн бэлтгэх сургалтын хөтөлбөр, үйл ажиллагаагаа дэлгэрэнгүй танилцууллаа.
Монгол Улсын Зам, тээврийн яамны зүгээс “Иргэний нисэхийн үндэсний төв” ТӨХХК болон “AVIC International” компанийн хамтын ажиллагааг бодит үр дүнд хүргэхэд цаашид ч бас шаардлагатай дэмжлэгийг үзүүлэн ажиллахаа илэрхийлж, БНХАУ-ын Иргэний нисэхийн нислэгийн их сургуульд Монгол Улсын Иргэний нисэхийн дүрмийн дагуу олгож буй холбогдох гэрчилгээг гардуулан өглөө.
Уулзалтын төгсгөлд, талууд хүний нөөцийг сургаж чадавхжуулах, техник, технологийн хамтын ажиллагааг хөгжүүлэх чиглэлээр асуулт хариулт өрнүүлэн мэдээлэл солилцож, Монгол Улсын “Иргэний нисэхийн үндэсний төв” ТӨХХК болон БНХАУ-ын “AVIC International” компани “Харилцан ойлголцлын санамж бичиг” байгуулан хамтран ажиллахаар тохиролцлоо.
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд SHUGELULEEGCH.mn хариуцлага хүлээхгүй.