Хот байгуулалт, барилга, орон сууцжуулалтын яамнаас Солонгосын хөнгөлөлттэй зээлээр баригдаж буй “Солонго 1,2” болон БНХАУ-ын буцалтгүй тусламжаар боссон “1008” айлын орон сууцны хорооллуудад сонгон шалгаруулалтын явуулалгүй удаан хугацаанд дарсаар байгаа.

Зорилтот бүлгийн иргэдийг орон сууцаар хангаж, Улаанбаатар хотын агаар, орчны бохирдлыг бууруулахад том нөлөөл үзүүлэх уг төслүүдийн зах зээлийн үнэлгээг ч эцсийн байдлаар гаргаж чадаагүйг албаныхны удаа дараагийн мэдэгдлүүд итгэх болов. Төлөвлөгөөний дагуу “Солонго 1,2” хорооллын орон сууцанд оруулах сонгон шалгаруулалт өнгөрсөн долоо хоногт зарлагдах ёстой байсан. Гэвч Хот байгуулалт, барилга, орон сууцжуулалтын яамнаас шалтгаангүйгээр хойшлуулаад байна. БНХАУ-ын Засгийн газраас хөрөнгөөр барьж, Монгол Улсын зорилтот бүлгийн иргэдэд бэлэглэсэн “1008” айлын орон сууцны хорооллын тухайд хэдийнэ ашиглалтад ороод, өнгөрсөн хэдэн жилийн турш хоосон байж байгаа. Ийнхүү хугацаа алсдсанаар орон сууцны үнэлгээ улам өсөж байгаа бөгөөд барилгын бизнестэй Э.Бат-Амгалан сайдын ашиг сонирхол шингэсэн байх өндөр магадлал харагддаг.

Учир нь Э.Бат-Амгалан нэр бүхий хувийн компаниараа дамжуулан Улаанбаатар хотын зүүн хэсэгт хэд хэдэн хороолол босгож буй. Тухайлбал, “Опту” ХХК нь 2021 оноос Баянзүрх дүүргийн хэд хэдэн хороо дамнуулан Улаанхуарангийн эцэст “Кайду молл” (Cinema Next) 10 давхар худалдаа, үйлчилгээний төвийг ашиглалтад оруулсан. “Кайду Сити” хотхон, “Кайду Вилла” зэрэг төслүүдтэй холбогддог бөгөөд Гачууртад амуудад дундаж давхаргад зориулсан хаус хорооллын төслүүдийг хэрэгжүүлж байгаа юм.  

Тэгвэл зах зээл “Кайду Сити” хотхон гэхэд л 3.3-3.9 саяын төгрөгийн хооронд байрны захиалга авч байжээ. Э.Бат-Амгалан сайд үүнийг мэдсээр байж, Нисэхийн дэнжид баригдаж буй “Солонго 1, 2” хорооллын орон сууцны 1 м.кв-ын үнийг 4,428,000 төгрөгөөр тогтоосноо зарлаж, олон нийтийн шүүмжлэл дагуулаад байгаа. Тэрбээр өмнө нь орон сууцны 1 м.кв-ын дундаж үнийг 7 сая орчим болно гэж хэлээд олон нийтийн дургүйцлийг хүргэсэн удаатай.

 Одоогоор “Солонго 1, 2 төсөл хэрэгжиж буй Буянт-Ухаа нисэх буудал орчимд орон сууцны ханш 1 м.кв- т нь 2.5-3.5 сая төгрөгийн үнэтэй байгаа. “Солонго 1, 2” төслийн зэргэлдээ хувийн хэвшлийн барьсан “Эвэл апартмент” гэх хорооллын орон сууц 1 м.кв нь 2.9-3.5 сая төгрөгөөр зарагдаж байна. Зөвхөн энэ харьцуулалтаас “Солонго 1, 2” төсөл зорилтот бүлгийн иргэдийг орлогод нийцсэн орон сууцаар хангах үндсэн зорилгодоо нийцэхгүй байгааг харж болно.

Мөн хотын төвөөс 2 км-ийн зайд хэрэгжиж буй Сэлбэ дэд төвийн дахин төлөвлөлтийн хүрээнд баригдаж буй орон сууцны үнэ 1 м.кв нь 3.9 сая төгрөг орчимд байх тооцоо гараад байгаа билээ.