Зай хураагуураар ажилладаг цахилгаан машинаар хэн нь илүү вэ гэдгээ үзэх өрсөлдөөн дэлхий даяар өрнөж байхад Японы машин үйлдвэрлэгч Тоёота компанийн захирал био түлшээр ажилладаг хөдөлгүүрээ танилцууллаа. Энэ хөдөлгүүр нь уламжлалт дотоод шаталтын хөдөлгүүр учраас олон улсын чиг хандлагаас эсрэг зөрсөн явдал боллоо гэж дэлхийн томоохон хэвлэлийн агентлагууд шүүмжилжээ. Токио хотын захиргаан дээр бүтэн гурван цаг үргэлжилжсэн танилцуулга дээр энэ шинэ төрлийн хөдөлгүүр нь устөрөгч, био-этанол зэрэг био түлшээр ажиллах ба хүлэмжийн хий үл ялгаруулагч хосолсон хөдөлгүүрт технологитой хослуулан ашиглах боломжтой юм байна. Ингэснээр дэлхийн автомашин үйлдвэрлэгчдийн бүрэн цахилгаан тээврийн хэрэгслийн өрсөлдөөнийг улам хурцатгаж өгсөн хэрэг боллоо гэж ажиглагчид дүшнэжээ. Жишээ нь, БНХАУ-ын BYD машин үйлдвэрлэгч компани Зай хураагуураар ажилладаг цахилгаан машин үйлдэвэрлэлээрээ Теслаг гүйцэж түрүүлэхээр өдөр, шөнөгүй ажиллаж байгаа. Тэгвэл Тоёотагийн гүйцэтгэх захирал Кожи Сато “Энэ шинэ хөдөлгүүр нь цахилгаан эриний хөгжлийг улам хурдасгана. Ингэснээрээ дэлхий дахин нүүрстөрөгчөөс ангижрах боломж бүрдэнэ” гэж тайлбарлажээ. Маш товчхондоо дэлхийн өндөр хөгжилтэй улс орнууд цахилгаан машин үйлдвэрлэлийн салбарт Японд “далаараа тавиуллаа” гэж олон улсын эдийн засаг ажиглагчид дүгнэж байна.