Европын хөлбөмбөгийн аварга шалгаруулах 17 дахь удаагийн тэмцээн өнөөдөр албан ёсоор эхлэх гэж байна. Тэмцээнийг зохион байгуулагч Германы шигшээ баг энэ тэмцээний салхийг хагалж Шотландын шигшээ багийн эсрэг тоглоно. Залуу тоглогчдоор хүч сэлбэн дараагийн шинэ үеийг угтахаар бэлдэж байгаа Германы шигшээ болон сүүлийн хоёр евро дараалан орж, эх орондоо түүх бүтээж буй Шотландын шигшээ багийн тоглолтын өмнө хоёр багийн статистик болон тоглолтын өмнөх мэдээллийг та бүхэнд хүргэе.

Германы шигшээ баг өмнөх Европын аваргад алдарт дасгалжуулагч Йохим Лёвын удирдлага дор оролцож байлаа. Харин одоо бол залуухан бөгөөд авьяастай дасгалжуулагч Юлиан Нагелманнаар удирдуулсан шинэ залуу шигшээ багийнхан Мюнхен хотноо эхний тоглолтоо хийх гэж байна. Юлиан Нагелсманн Мюнхен хотод клубийн дасгалжуулагч бус шигшээ багийн дасгалжуулагчийн дүрээр анх удаагаа ирж байгаа нь энэ юм. Хэрэв Европын аваргын хэсгийн эхний тоглолтод ялалт байгуулж чадвал ялагдалгүй цувралаа тавд хүргэх боломж байна.
Германы шигшээ хамгийн сүүлд энэ сарын 08-ны өдөр Грекийн шигшээ багтай нөхөрсөг тоглолт хийсэн. 2-1 онооны харьцаагаар ялалт байгуулсан энэхүү тоглолтод Кай Хаверц, Паскаль Грос нар гоол оруулсан билээ.

Германы шигшээ баг бүх тэмцээнийг оролцуулад сүүлийн зургаан тоглолтод гурав хожиж, нэг тэнцэн, хоёр хожигдсон. Ингэхдээ найман гоол оруулж, долоон бөмбөг хаалгандаа алджээ. Германц машины хувьд энэ бол харьцангуй тааруу мэдээ. Зургаан тоглолтын хоёрт нь эхний бөмбөгийг хаалганд оруулсан. Тэд эхний үед гурван гоол оруулж, өрсөлдөгчдөө таван бөмбөг алджээ.

Шотландын шигшээ яг одоо торгон ирэн дээрээ байна. Тэд  сүүлийн хоёр евро дараалан оролцож эх орондоо баатрын дүртэй байгаа. Европын аваргын сонгон шалгаруулах тэмцээнд таван тоглолт дараалж хожин, Герман хүрэх тийзээ халаасласан юм. Гэсэн хэдий ч формнь орон гаран байна. Тэд бүх тэмцээнийг оролцуулаад есөн тоглолтоос ердөө ганцхан хожил авчээ.

Тэд хамгийн сүүлд энэ сарын 08-ны өдөр Хемдэн парк цэнгэлдэхэд Финландын шигшээг хүлээн авч 2-2 онооны харьцаагаар тэнцсэн. Тус тоглолтын эхний гоолыг Финланд шигшээн хамгаалагчийн авто гоолоор тэргүүлж, төд удалгүй Шэнклендийн гоолоор хоёр бөмбөгийн зөрүүтэй тэргүүлж эхэлсэн боловч 72, 85 дахь минутад гоол алдсанаар нөхөрсөг тоглолт тэнцээгээр өндөрлөсөн билээ.

Шотландын шигшээ сүүлийн зургаан тоглолтод ердөө нэг хожиж, гурав тэнцэн, хоёр хожигдсон. Тэд энэ хугацаанд  есөн гоол оруулж, 12-ыг хаалгандаа алджээ. Тэд зургаан тоглолтын хоёрт нь эхний гоолыг оруулсан. Тэд эхний үед хоёр бөмбөг оруулдаг бол өрсөлдөгчдөө мөн энэ хугацаанд таван бөмбөг алддаг байна.
 

---