Домогт Боб Диланы “Mr.Tambourine Man” дууны үг бичсэн нооргийн эх хувийг дуудлага худалдаагаар оруулахад 508,000 ам.доллараар зарагджээ. Бичгийн машинаар цохьсон хоёр шар өнгийн хуудас дээрх дууны үгийн ноорог нь эцсийн хувилбар биш учир домогт дуучин өөрийн гараар бичсэн засвартай гэдгээрээ онцлогтой байв. Харин гурав дахь хуудас дээр дууны үг эцсийн хувилбартаа нэлээд ойртсон ч зарим нэг үгийг нь засварласан нэмэлт тэмдэглэлтэй гэнэ.

Боб Дилан “Mr.Tambourine Man” дуугаа гаргаснаас хойш сарын дараа Бөрдс хамтлагийн хувилбар гарсан бөгөөд Биллбордын шилдэг шинэ 100 дууны жагсаалт нэгдүгээр бичигдэж, Их Британийн Биллбордыг тэргүүлж байсан түүхтэй.

Жулиений дуудлага худалдааны газраас АНУ-ын Нэшвилл хотод зохион байгуулсан дуудлага худалдаагаар уг нооргоос гадна Боб Диланы 1968 онд зурж, гарын үсгээ үлдээсэн тосон зураг, 1983 оны Фендер Телекастерийн цахилгаан гитар зэрэг эдэлж, хэрэглэж байсан 60 байсан эд зүйлсийг нь үнэ хаялцуулж байгаа юм байна. Иймд Боб Диланы зурсан зургууд 1,500-88,900 долларын үнэд хүрэх магадлалтай байгаа аж.

Жульений дуудлага худалдааны газрын сонирхуулснаар өнгөрсөн хоёр хоногт зохион байгуулсан дуудлага худалдаагаар нийт 1.5 сая доллар олсөн бөгөөд жишээ нь Б.Диланы 1987 онд дэлгэцнээ гарсан Галт зүрх хэмээх мюзикль драм кинонд тоглохдоо өмссөн Левайс брендийн жийнсэн хүрэм 25,400 долларын үнэ хүрчээ.